ଗୃହିଣୀମାନେ ଜାଣି ରଖନ୍ତୁ କିଛି ଜରୁରି ଟିପ୍ସ ....
![ଗୃହିଣୀମାନେ ଜାଣି ରଖନ୍ତୁ କିଛି ଜରୁରି ଟିପ୍ସ ....](https://odishanewslens.com/news_gallery/25623_1698899824.jpg)
ରୋଷେଇ ଘର ବିଷୟରେ ଯେତେ ଜ୍ଞାନ ଅର୍ଜିଲେ କମ୍ ହେବ । ବିଭିନ୍ନ ସମୟରେ ଘର କରଣା ଜିନିଷକୁ ସାଇତି ରଖିବା ଏତେ ସହଜ ହୋଇନଥାଏ । ଅବଶ୍ୟ ଯଦି ଆମେ କିଛି କିଛି ଟିପ୍ସ ଜାଣିବା, ତାହା ଆମ ପାଇଁ ବେଶ ଉପକାରୀ ସାବ୍ୟସ୍ତ ହୋଇପାରେ । ଖାସ କରି ଗୃହିଣୀମାନଙ୍କ ପାଇଁ କିଛି ଜରୁରି ଟିପ୍ସ ।
୧. ପ୍ରାୟ ଘରେ ତେନ୍ତୁଳି ଏକ ଖୁବ ଆବଶ୍ୟକୀୟ ସାମଗ୍ରୀ । ତେଣୁ ଏହାକୁ ସଂରକ୍ଷିତ କରିବାକୁ ହେଲେ ପ୍ରଥମେ ବଜାରରୁ ଆଣିଥିବା ମଞ୍ଜିଛଡ଼ା ତେନ୍ତୁଳିକୁ ଭଲ ଭାବେ ଲୁଣ ଦେଇ ରଖନ୍ତୁ । ଲୁଣ ଦେବା ପରେ ଏହାକୁ ଏକ ଏୟାର ଟାଇଟ କଣ୍ଟେନରେ ରଖିଦିଅନ୍ତୁ । ଏହା ବର୍ଷେ ଯାଏଁ ସୁରକ୍ଷିତ ରହିପାରିବ ।
୨. ବଜାରରେ ମିଳୁଥିବା ଦେଶୀ ଘିଅ କେତେଶୁଦ୍ଧ? ଏହା ଜାଣିବା ପାଇଁ ପ୍ରଥମେ ଏକ ମାଟି ପାତ୍ର ନିଅନ୍ତୁ । ଏହାର ଗୋଟିଏ ପଟେ ଘରୋଇ ଦେଶୀ ଘିଅ ଓ ଅନ୍ୟ ପଟେ ବଜାରରୁ ଆଣିଥିବା ଘିଅ ଲଗାନ୍ତୁ । ଏକ ମିନିଟ ପାଇଁ ଛାଡ଼ି ଦିଅନ୍ତୁ । ଘିଅ ଶୁଖିଯିବା ପରେ ଆପଣ ଉଭୟରେ ଥିବା ଫରକକୁ ଜାଣିପାରିବେ । ଘରୋଇ ଦେଶୀ ଘିଅ ମାଟି ପାତ୍ରରେ ମିଶିଯିବ କିନ୍ତୁ ବଜାରରୁ ଆଣିଥିବା ଘିଅ ମାଟି ପାତ୍ରରେ ଏକ ଧଳାର ଆସ୍ତରଣ ଛାଡ଼ିଥାଏ ।
୩. ପୁରି ବା ପକୋଡି ଛାଣିବା ପୂର୍ବରୁ ତେଲ ଗରମ ହେବା ସମୟରେ ଏଥିରେ ଅଳ୍ପ ଲୁଣ ପକାଇ ଦିଅନ୍ତୁ । ତା ପରେ ଛାଣନ୍ତୁ । ଏପରି କରିବା ଦ୍ୱାରା ଛଣା ଜିନିଷରେ ଅଧିକ ତେଲ ରହିବ ନାହିଁ । ଫଳରେ ଆପଣଙ୍କ ଛଣା ଖାଦ୍ୟ ସ୍ୱାସ୍ଥ୍ୟକର ହେବା ସହ ତେଲ ମଧ୍ୟ ସଞ୍ଚୟ ହୋଇଥାଏ ।
୪. ବର୍ଷା ଦିନେ ରୋଷେଇ ଘର ପିମ୍ପୁଡ଼ି ବା ଜନ୍ଦା ଧାଡ଼ି ଲାଗିଥାନ୍ତି । ଯେଉଁଠାରେ ପିମ୍ପୁଡି ବା ଜନ୍ଦା ହୋଇଥିବେ ସେଠାରେ ସାମାନ୍ୟ ହଳଦୀ ଗୁଣ୍ଡ ଛିଞ୍ଚି ଦିଅନ୍ତୁ । ଦେଖିବେ ୧୫ / ୨୦ ମିନିଟ ପରେ ସେଠାରେ ଜନ୍ଦା ପିମ୍ପୁଡ଼ି କେହି ରହିବେ ନାହିଁ ।
୫. ଯଦି ଆପଣଙ୍କର ଓଜନ ଅଧିକ ବଢ଼ୁଥାଏ । ତେବେ ଖାଲି ଗହମ ଅଟା ପରିବର୍ତ୍ତେ ଅଧା ଗହମ ଓ ଅଧା ପ୍ଲେନ ଓଟ୍ସ ଅଟା ମିଶାଇ ରୁଟି ପ୍ରସ୍ତୁତ କରନ୍ତୁ । ଏହା ଖାଇବାକୁ ସ୍ୱାଦିଷ୍ଟ ଲାଗିବା ସହ ଓଜନକୁ ମଧ୍ୟ ନିୟନ୍ତ୍ରିତ ରହିଥାଏ ।
Powered by Froala Editor