ଲୋମହର୍ଷଣକାରୀ କାଣ୍ଡ: ସ୍ବାମୀ ସାମ୍ନାରେ ୩ ମହିଳାଙ୍କୁ ଗଣଦୁଷ୍କର୍ମ
![ଲୋମହର୍ଷଣକାରୀ କାଣ୍ଡ: ସ୍ବାମୀ ସାମ୍ନାରେ ୩ ମହିଳାଙ୍କୁ ଗଣଦୁଷ୍କର୍ମ](https://odishanewslens.com/news_gallery/24582_1695364566.jpg)
ଚଣ୍ଡିଗଡ଼: ହରିୟାଣାର ପାନିପଥ ଜିଲ୍ଲାରେ ଲୋମହର୍ଷଣକାରୀ କାଣ୍ଡ ଘଟିଛି । ୩ ଜଣ ମହିଳାଙ୍କୁ ସେମାନଙ୍କ ସ୍ବାମୀ ଓ ପିଲାଙ୍କ ସାମ୍ନାରେ ଗଣଦୁଷ୍କର୍ମ କରାଯାଇଛି । ବୁଧବାର ବିଳମ୍ବିତ ରାତି ପ୍ରାୟ ୧ଟା ବେଳେ ୪ ଜଣ ମୁଖାପିନ୍ଧା ଦୁର୍ବୃତ୍ତ ମହିଳାମାନଙ୍କ ଘରେ ପଶି ସ୍ବାମୀ ଓ ପିଲାଙ୍କୁ ଦଉଡ଼ିରେ ବାନ୍ଧି ସମସ୍ତଙ୍କ ଆଖି ସାମ୍ନାରେ ଦୁଷ୍କର୍ମ କରିଛନ୍ତି । ଦୁଷ୍କର୍ମର ଶିକାର ହୋଇଥିବା ପୀଡ଼ିତାମାନଙ୍କ ବୟସ ୨୪, ୨୫ ଓ ୩୫ ବର୍ଷ ହେବ । ଦୁଷ୍କର୍ମ କରିବା ପରେ ଦୁର୍ବୃତ୍ତମାନେ ପୀଡିତାମାନଙ୍କଠାରୁ ଗହଣା ଓ ଟଙ୍କା ଛଡାଇ ନେଇ ଫେରାର୍ ହୋଇଯାଇଥିବା ପୋଲିସ ସୂଚନା ଦେଇଛି । ଜଣେ ପୀଡ଼ିତା ଅଭିଯୋଗ କରିଛନ୍ତି ଯେ, ସେମାନେ ରାତିରେ ନିଜ ଘରେ ଶୋଇଥିଲେ । ବିଳମ୍ବିତ ରାତି ପ୍ରାୟ ୧ଟା ବେଳେ ୪ ଜଣ ମୁଖାପିନ୍ଧା ଦୁର୍ବୃତ୍ତ ଘରେ ପଶିଥିଲେ । ଦୁର୍ବୃତ୍ତମାନେ ପ୍ରଥମେ ୩ ମହିଳାଙ୍କ ସ୍ବାମୀ ଓ ପିଲାଙ୍କୁ ଦଉଡ଼ିରେ ବାନ୍ଧି ଗୋଟିଏ ରୁମ୍ରୁ ନେଇଥିଲେ । ଏହାପରେ ମହିଳାମାନଙ୍କୁ ସେହି ରୁମ୍ ସାମ୍ନା ବାରଣ୍ଡାକୁ ଘୋଷାଡି ନେଇ ଦୁଷ୍କର୍ମ କରିଥିଲେ । ସକାଳ ୪ଟା ପର୍ୟ୍ୟନ୍ତ ଏହି ପାଶବିକତାର ଶିକାର ହୋଇଥିଲେ ପୀଡ଼ିତା । ଦୁର୍ବୃତ୍ତମାନଙ୍କ ପାଖରେ ଛୁରୀ ଓ ପିସ୍ତଲ ଥିଲା । ପାଟି କଲେ ପୀଡ଼ିତାଙ୍କୁ ଜୀବନରୁ ମାରି ଦେବାକୁ ସେମାନେ ଧମକାଇ ଥିଲେ । ଏହାପରେ ଗହଣା ଓ ଟଙ୍କା ଲୁଟି ଚମ୍ପଟ୍ ମାରିଥିଲେ । ଏନେଇ ଜଣେ ପୀଡିତା ଗାଁ ମୁଖିଆଙ୍କୁ କହିବା ପରେ ସେ ପୋଲିସକୁ ଖବର ଦେଇଥିଲେ ।
Powered by Froala Editor