ଇସ୍ରୋର ବଡ଼ ସୂଚନା : ତଥ୍ୟ ସଂଗ୍ରହ ଆରମ୍ଭ କଲା ଆଦିତ୍ୟ-ଏଲ୍୧
ଆଦିତ୍ୟ-ଏଲ୍୧ ବୈଜ୍ଞାନିକ ତଥ୍ୟ ସଂଗ୍ରହ କରିବା ଆରମ୍ଭ କରିଛି। ସୋସିଆଲ ମିଡିଆଲରେ ଏହି ସୂଚନା ଜାରି କଲା ଇସ୍ରୋ। ସ୍ଟେପ୍ସ ଉପକରଣ ସେନ୍ସରଗୁଡ଼ିକ ପୃଥିବୀଠାରୁ ୫୦,୦୦୦କିଲୋମିଟରରୁ ଅଧିକ ଦୂର ପର୍ଯ୍ୟନ୍ତ ସୁପର-ଥର୍ମାଲ ଏବଂ ଶକ୍ତିଶାଳୀ ଆୟନ ଏବଂ ଇଲେକ୍ଟ୍ରନ ମାପିବା ଆରମ୍ଭ କରିଦେଇଛି। ଏହି ତଥ୍ୟ ବୈଜ୍ଞାନିକମାନଙ୍କୁ ପୃଥିବୀର ଚାରିପାଖରେ ଥିବା କଣିକାର ଆଚରଣ ବିଶ୍ଳେଷଣ କରିବାରେ ସାହାଯ୍ୟ କରେ।
ଆନ୍ଧ୍ରପ୍ରଦେଶର ଶ୍ରୀହରିକୋଟାସ୍ଥିତ ସତୀଶ ଧାୱନ ମହାକାଶ କେନ୍ଦ୍ରରୁ ସେପ୍ଟେମ୍ବର ୨ ତାରିଖରେ ଭାରତର ପ୍ରଥମ ସୌର ମିଶନ ଆଦିତ୍ୟ- L1 ଲଞ୍ଚ କରିଥିଲା ଭାରତୀୟ ସ୍ପେସ୍ ଏଜେନ୍ସି । ISRO PSLV C57 ଲଞ୍ଚ ପ୍ୟାଡରୁ ସଫଳତାର ସହିତ ଆଦିତ୍ୟ L1 ଲଞ୍ଚ କରିଥିଲା। ଚନ୍ଦ୍ରୟାନ-୩ ପରି, ଏହି ମିଶନ ପ୍ରଥମେ ପୃଥିବୀ ଚାରିପଟେ ବୁଲିବା ପରେ ଏହା ସୂର୍ଯ୍ୟ ଆଡକୁ ଗତି କରିଛି।
Powered by Froala Editor
