ରାୟଗଡାରେ ଆମ୍ବୁଲାନ୍ସକୁ ପିଟିଲା ଏକ୍ସପ୍ରେସ, କେନ୍ଦୁଝରରେ ମାଲବାହୀ ଲାଇନଚ୍ୟୁତ
ରାୟଗଡା ଜିଲ୍ଲା ବିଷମକଟକ ଥାନା ବୃନ୍ଦାବାଡି ନିକଟରେ ଆମ୍ବୁଲାନ୍ସକୁ ଧକ୍କା ଦେଇଛି ତପସ୍ବିନୀ ଏକ୍ସପ୍ରେସ୍ । ଘଟଣାସ୍ଥଳରୁ ଆମ୍ବୁଲାନ୍ସ ଡ୍ରାଇଭର ଫେରାର ହୋଇଯାଇଛି । ଜିଆରପି ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଦୁର୍ଘଟଣାରେ ଆମ୍ବୁଲାନ୍ସଟି କ୍ଷତିଗ୍ରସ୍ତ ହୋଇଛି ।
ଅନ୍ୟପଟେ କେନ୍ଦୁଝର ଜିଲ୍ଲା ଯୋଡାରେ ଲାଇନଚ୍ୟୁତ ହୋଇଥିଲା ମାଲବାହୀ ଟ୍ରେନ୍ । ବିଲେଇପଦା, କାଳିଆବେଡ଼ା ନିକଟରେ ମାଲବାନୀ ଟ୍ରେନ୍ ଲାଇନ୍ଚ୍ୟୁତ ହୋଇଛି । ମାଲବାହୀ ଟ୍ରେନ୍ ବାଂଶପାଣି ରେଳ ସାଇଡ଼ିଂରୁ ଆଇରନ୍ ଓର୍ ବୋଝେଇ କରି ଯାଉଥିଲା । ତେବେ ବିଲେଇପଦା କାଳିଆବେଡ଼ା ସାଇଡିଂ ନିକଟରେ ଟ୍ରେନ୍ଟି ଟ୍ରାକରୁ ଲାଇନଚ୍ୟୁତ ହୋଇ ଯାଇଥିଲା । ଫଳରେ ରେଳ ଟ୍ରାକ କ୍ଷତିଗ୍ରସ୍ତ ହେବା ସହିତ ଇଞ୍ଜିନର ମଧ୍ୟ କ୍ଷତି ହୋଇଛି । ରେଳବାଇର ବରିଷ୍ଠ ଅଧିକାରୀମାନେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
Powered by Froala Editor
