ଘରେ ହଲରେ ସୋଫା ହେଉଛି ଗୋଟିଏ ମହତ୍ୱ ରଖୁଥିବା ଜିନିଷ । ଘରକୁ ଗେଷ୍ଟ ଆସିଲେ ତାଙ୍କୁ ସମ୍ମାନ କରିବା ଉପଲକ୍ଷେ ବସିବା ପାଇଁ ହେଉ କି ଘରଲୋକଙ୍କ ବ୍ୟବହାର ପାଇଁ ସୋଫାର ବହୁତ ଆରାମ ଦେଇଥାଏ । କିନ୍ତୁ ଏହା ଅତ୍ୟଧିକ ବ୍ୟବହାର ଦ୍ୱାରା ଅପରିଷ୍କାର ହୋଇଯାଏ । ଏହାର ଅତ୍ୟଧିକ ବ୍ୟବହାର ପ୍ରାଜୁର୍ଯ୍ୟ । ତେବେ ଚିନ୍ତା ଥାଏ କିପରି ସବୁବେଳେ ସଫା ନକଲେ ବହୁତ ସମୟରେ ଏଥିରୁ ଦୁର୍ଗନ୍ଧ ମଧ୍ୟ ଆସିଥାଏ । ବ୍ୟବହାର କରିବା ଦ୍ୱାରା ବିଭିନ୍ନ ପ୍ରକାରର ଦାଗ ମଧ୍ୟ ପଡ଼ିଯାଏ ଯାହା ଛଡ଼ାଇବା କଷ୍ଟକର ହୋଇପଡେ଼ । ଏହାପରେ ତାକୁ ଡ଼୍ରାଏ କ୍ଲିନିଂ କରିବାକୁ ବାଧ୍ୟ ହୋଇଯାଆନ୍ତି । ଯାହା କିଛି ଲୋକଙ୍କୁ ବହୁତ ମହଙ୍ଗା ପଡ଼ିଥାଏ । ତେବେ ଆସନ୍ତୁ ଜାଣିବା ବହୁ ଶସ୍ତାରେ କିପରି ସଫା କରିପାରିବା ସୋଫା ସେ ବିଷୟରେ.... 

ସୋଫାକୁ ପରିଷ୍କାର କରିବାର ତରିକା ଆପଣଙ୍କ ରୋଷେଇଘରେ ହିଁ ରହିଛି । ବେକିଂ ସୋଢ଼ା ସାହାର୍ଯ୍ୟରେ ଆପଣ ସୋଫାକୁ କ୍ଲିନ କରିପାରିବେ । ଏହା ସୋଫାର ଦାଗ ଓ ଦୁର୍ଗନ୍ଧ ହଟାଇବା ପାଇଁ ବେଶ ଲାଭଦାୟକ । 

ବ୍ୟବହାର କରିବେ କିପରି ?

- ବେକିଂ ସୋଢାରେ ମାଇକ୍ରୋଫାଇବର କାଉଚକୁ ସଫା କରିବାର ତରିକା ବି ବହୁତ ସରଳ ଅଟେ । ବେକିଂ ସୋଢାକୁ ପାଣିରେ ମିଶାଇ ବ୍ୟବହାର କରିବା ଛଡ଼ା ଆପଣ ଷ୍ଟିମ କ୍ଲିନର ମାଧ୍ୟମରେ ମଧ୍ୟ କାଉଚକୁ ସଫା କରି ପାରିବେ । ଏଥିପାଇଁ ଗୋଟିଏ ଛୋଟ କଣ୍ଟେନରରେ ସମାନ ପରିମାଣରେ ବେକିଂ ସୋଢା ଓ ପାଣି ମିଶାନ୍ତୁ । ଏବେ ଏହି ପେଷ୍ଟରେ ସପ୍ଟ ବ୍ରଶ ବୁଡ଼ାଇ ଦାଗ ଥିବା ଜାଗାରେ ଘସନ୍ତୁ । ଗୋଲଗୋଲ କରି ଦାଗ ଉପରେ ଧିରେ ଧିରେ ଘସି ସଫା କରନ୍ତୁ । ଧ୍ୟାନ ଦେବେ କି ଅବଶିଷ୍ଟ ମିଶ୍ରଣକୁ ସଫା କରିବା ପାଇଁ ପ୍ରଥମେ ସଠିକ ରୂପରେ ଶୁଖିବାକୁ ଛାଡ଼ି ଦିଅନ୍ତୁ ।

- ଲେଦର ଥିବା ସୋଫାକୁ ବହୁତ ଯତ୍ନର ସହ ବ୍ୟବହାର କରାଯାଇଥାଏ । ବେକିଂ ସୋଢା ମାଧ୍ୟମରେ ଲେଦର ସୋଫାକୁ ସଫା କରିବା ପାଇଁ ଗୋଟିଏ ସ୍ପ୍ରେ ବୋତଲରେ ବେକିଂ ଏବଂ ପାଣି ମିଶାନ୍ତୁ, ଏହାସହିତ କିଛି ବୁନ୍ଦା ଡିସ ଡ଼ିଟରଜେଣ୍ଟ ମଧ୍ୟ ମିଶାନ୍ତୁ । ବୋତଲକୁ ଭଲଭାବରେ ମିଶନ୍ତୁ ଏବଂ ଗୋଟିଏ ପତଳା କପଡ଼ାରେ ଏହି ମିଶ୍ରଣକୁ ସ୍ପ୍ରେ କରନ୍ତୁ । ଏହାପରେ ଲେଦର ସୋଫରେ ଲାଗିଥିବା ଦାଗରେ ଘସି ସଫା କରନ୍ତୁ । ଆପଣ ଏହିପରି ଭାବରେ ସମ୍ପୂର୍ଣ୍ଣ ସୋଫାଟିକୁ ମଧ୍ୟ ଘସି ସଫା କରି ପାରିବେ । 

- ସୋଫାକୁ ସଫା କରିବା ପୂର୍ବରୁ ପ୍ରଥମେ ସୋଫା ଉପରେ ଥିବା ତକିଆ ଗୁଡ଼ିକୁ ହଟାନ୍ତୁ । ଦୁର୍ଗନ୍ଧ ଗୁର କରିବା ପାଇଁ ସୋଫାର ଉପରି ଭାଗ ଓ ତଳ ଭାଗରେ ବେକିଂ ସୋଢାକୁ ଛିଞ୍ଚନ୍ତୁ । ଏହାପରେ ପୁରୁଣା ଦାନ୍ତଘସା ବ୍ରସ ସାହାଯ୍ୟରେ ଏହାକୁ ରଗଡ଼ନ୍ତୁ । ଏକ ଘଣ୍ଟା ପର୍ଯ୍ୟନ୍ତ ଏହାକୁ ଛାଡ଼ି ଦିଅନ୍ତୁ । ସୋଫାରେ ଲାଗିଥିବା ବଳକା ପାଉଡ଼ର ଗୁଡ଼ିକୁ ହଟାଇବା ପାଇଁ ଆପଣ ଭାକ୍ୟୁମ କ୍ଲିନରର ବ୍ୟବହାର କରି ପାରିବେ । ଏପରି କରିବା ଦ୍ୱାରା ଆପଣଙ୍କ ସୋଫାରେ ଚମକ ଆସିଯିବ ।      

Powered by Froala Editor