ଶାହିଦ ଆଫ୍ରିଦି ପିସିବି ଜାତୀୟ ଚୟନ କମିଟିର ଅନ୍ତରୀଣ ଅଧ୍ୟକ୍ଷ ନିଯୁକ୍ତ
![ଶାହିଦ ଆଫ୍ରିଦି ପିସିବି ଜାତୀୟ ଚୟନ କମିଟିର ଅନ୍ତରୀଣ ଅଧ୍ୟକ୍ଷ ନିଯୁକ୍ତ](https://odishanewslens.com/news_gallery/18493_1671906158.jpg)
ପାକିସ୍ତାନ କ୍ରିକେଟ ବୋର୍ଡ(ପିସିବି) ପୂର୍ବତନ ଅଧିନାୟକ ଶାହିଦ ଆଫ୍ରିଦିଙ୍କୁ ଗୁରୁ ଦାୟିତ୍ୱ ଦେଇଛି। ତାଙ୍କୁ ପିସିବି ଜାତୀୟ ଚୟନ କମିଟିର ଅନ୍ତରୀଣ ଅଧ୍ୟକ୍ଷ ଭାବେ ନିଯୁକ୍ତି ଦେଇଛି। ସେ ଏହି ୪ ଜଣିଆ କମିଟିର ନେତୃତ୍ୱ ନେବେ। ଆଫ୍ରିଦିଙ୍କ ବ୍ୟତୀତ ଚୟନ କମିଟିରେ ପୂର୍ବତନ ଅଲରାଉଣ୍ଡର ଅବଦୁଲ ରଜାକ, ରାଓ ଇଫତିକାର ଅଞ୍ଜୁମ ଓ ଆବାହକ ହାରୁନ ରଶିଦ ରହିଛନ୍ତି।
ଆଫ୍ରିଦି ପାକିସ୍ତାନର ମହାନ ଅଲରାଉଣ୍ଡର୍ସଙ୍କ ମଧ୍ୟରୁ ଜଣେ। ସେ ଦଳ ପକ୍ଷରୁ ୩୯୮ ଦିନିକିଆ ଖେଳି ୮୦୬୪ ରନ୍ କରିଥିଲେ। ସେହିଭଳି ୯୯ ଟି୨୦ରେ ୧୪୧୬ ରନ୍ କରିଥିଲେ। ସେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ ହେଁ ଅନେକ ଫ୍ରାଞ୍ଚାଇଜ ଲିଗ୍ରେ ଖେଳୁଥିବା ନଜର ଆସିଛନ୍ତି।
ଏହି ନିଯୁକ୍ତି କେବଳ ଡିସେମ୍ବର ୨୬ରୁ ଆରମ୍ଭ ହେଉଥିବା ନ୍ୟୁଜିଲ୍ୟାଣ୍ଡ ବିପକ୍ଷ ସିରିଜ୍ ପାଇଁ ମିଳିଛି। ଅର୍ଥାତ ଆଫ୍ରିଦିଙ୍କ ନେତୃତ୍ୱାଧୀନ କମିଟି ନ୍ୟୁଜିଲ୍ୟାଣ୍ଡ ବିପକ୍ଷରେ ଖେଳିବାକୁ ଥିବା ଖେଳାଳିଙ୍କ ନାଁ ବାଛିବ। ୨୬ ତାରିଖରୁ ପାକିସ୍ତାନ ଓ ନ୍ୟୁଜିଲ୍ୟାଣ୍ଡ ମଧ୍ୟରେ ପ୍ରଥମ ଟେଷ୍ଟ କରାଚିରେ ଆରମ୍ଭ ହେବ। ଏଥିପାଇଁ ମହମ୍ମଦ ୱାସିମଙ୍କ ନେତୃତ୍ୱାଧୀନ ଚୟନ କମିଟି ପୂର୍ବରୁ ଖେଳାଳିଙ୍କ ନାଁ ଘୋଷଣା କରି ସାରିଥିଲା। ହେଲେ ଏବେ ପିସିବି ଆଫ୍ରିଦି ଆଣ୍ଡ କୋଙ୍କୁ ଏହାର ସମୀକ୍ଷା କରିବାକୁ କହିଛି।
Powered by Froala Editor