ଗୁଜରାଟ ବିଧାନସଭା ନିର୍ବାଚନରେ ଭାଜପା ଏପର୍ଯ୍ୟନ୍ତ ୧୫୮ଟି ଆସନରେ ଆଗୁଆ ଥିବାବେଳେ କଂଗ୍ରେସ ୧୬, ଏଏପି ୪ ଏବଂ ଅନ୍ୟାନ୍ୟ ଆସନରେ ଆଗୁଆ ଅଛନ୍ତି। ଦଳର ବିଜୟ ପରେ ଗୁଜରାଟର ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲ କହିଛନ୍ତି, ଗୁଜରାଟ ବିଧାନସଭା ନିର୍ବାଚନ ପାଇଁ ଜନାଦେଶ ବର୍ତ୍ତମାନ ସ୍ପଷ୍ଟ ହୋଇଛି।

ସେ ଏକତରଫା ଭାବେ କଂଗ୍ରେସ ମୁଖପାତ୍ର ତଥା ରାଜ୍ୟସଭା ସାଂସଦ ଆମୀ ୟାଜ୍ଞନିକଙ୍କୁ ଏକତରଫା ଭାବେ ପରାସ୍ତ କରିଛନ୍ତି। ମୁଖ୍ୟମନ୍ତ୍ରୀ ପଟେଲ ୧,୮୯,୭୬୫ ଖଣ୍ଡ ଭୋଟ ପାଇଥିବା ବେଳେ ଆମୀ କେବଳ ୧୯,୪୮୯ ଖଣ୍ଡ ଭୋଟ ପାଇଛନ୍ତି। ଆପ୍‌ର ବିଜୟ ପଟେଲ ୧୪,୫୭୮ ଖଣ୍ଡ ଭୋଟ ହାସଲ କରିବାକୁ ସକ୍ଷମ ହୋଇଛନ୍ତି। ଐତିହାସିକ ବିଜୟ ହାସଲ କରିଥିବାରୁ ଶ୍ରୀ ପଟେଲ ଆସନ୍ତା ୧୨ ତାରିଖ ଦିନ ଗୁଜରାଟର ମୁଖ୍ୟମନ୍ତ୍ରୀ ଭାବେ ଶପଥ ନେବେ।

ଗତବର୍ଷ ସେପ୍ଟେମ୍ବର ମାସରେ ଭୂପେନ୍ଦର ପଟେଲ ଗୁଜରାଟର ମୁଖ୍ୟମନ୍ତ୍ରୀ ହୋଇଥିଲା। ୨୦୧୭ରେ ମଧ୍ୟ ଶ୍ରୀ ପଟେଲ ଏହି ଆସନରୁ ଜିତିଥିଲେ। ୨୦୧୭ରେ ସେ ୭୨.୬୫% ଭୋଟ ପାଇଥିବା ବେଳେ କଂଗ୍ରେସ ପ୍ରାର୍ଥୀ ଶଶିକାନ୍ତ ପଟେଲ ମାତ୍ର ୨୪% ଭୋଟ ପାଇଥିଲେ। ଭୂପେନ୍ଦର ପଟେଲଙ୍କ ପୂର୍ବରୁ ଗୁଜରାଟର ପୂର୍ବତନ ମୁଖ୍ୟମନ୍ତ୍ରୀ ଆନନ୍ଦିବେନ ପଟେଲ ଘାତଲୋଡିଆ ଆସନରୁ ଜିତିଥିଲେ।

ଡିସେମ୍ବର ୧୨ରେ ଅପରାହ୍ନ ୨ଟାରେ ଗୁଜରାଟରେ ଶପଥ ଗ୍ରହଣ ସମାରୋହ ଅନୁଷ୍ଠିତ ହେବ। ଭୂପେନ୍ଦ୍ର ପଟେଲ ପୁଣି ଥରେ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ। ଶପଥ ଗ୍ରହଣ ଉତ୍ସବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ମଧ୍ୟ ଅଂଶଗ୍ରହଣ କରିବେ। ରାଜ୍ୟ ଭାଜପା ମୁଖ୍ୟ ସିଆର ପାଟିଲ ଏହି ସୂଚନା ଦେଇଛନ୍ତି।

Powered by Froala Editor