କନ୍ୟା ସନ୍ତାନକୁ ଜନ୍ମ ଦେଲେ ବିପାସା
କିଛି ଦିନ ତଳେ ଗୋଲ୍ଡେନ ଗାଉନ ପିନ୍ଧି ଫଟୋ ସୁଟ୍ କରିଥିଲେ ବିପାସା ବସୁ । ବେବି ବମ୍ପ ସହ ଫଟୋ ସୁଟ୍ କରି ସେ ଖୁସି ବ୍ୟକ୍ତ କରିଥିଲେ । ଆଜି ସେ ମା’ ହୋଇଛନ୍ତି । ବିପାସା ବସୁ ସୁନ୍ଦର କନ୍ୟା ସନ୍ତାନକୁ ଜନ୍ମ ଦେଇଛନ୍ତି। ବିପାସା ଓ କରଣ ସିଂହ ଗ୍ରୋଭର ସେମାନଙ୍କ ପ୍ରଥମ ସନ୍ତାନକୁ ସ୍ୱାଗତ କରିଛନ୍ତି।
ପୂର୍ବରୁ ‘ବମ୍ବେ ଟାଇମ୍ସ’କୁ ଦେଇଥିବା ସାକ୍ଷାତକାରରେ ବିପାସା ଏକ କନ୍ୟା ସନ୍ତାନ ଚାହୁଁଥିବା କହିଥିଲେ। ଘରକୁ ଏକ ବେବି ଗାର୍ଲ ଆସୁ ବୋଲି କହିଥିଲେ। ତାଙ୍କ ଆଶା ଏବେ ପୂରଣ ହୋଇଛି।
ଗତ ଅଗଷ୍ଟ ମାସରେ ବିପାସା ଓ କରଣ ପ୍ରେଗ୍ନାନସୀର ଆନାଉନ୍ସ କରିଥିଲେ। ଶନିବାର ଦମ୍ପତ୍ତି ଏକ କନ୍ୟାସନ୍ତାନର ମାତାପିତା ହୋଇଛନ୍ତି। ବିପାସା ଓ କରଣଙ୍କ ବିବାହ ୨୦୧୬ ମସିହାରେ ହୋଇଥିଲା। ବିବାହର ୬ ବର୍ଷ ପରେ ଦମ୍ପତ୍ତି ପ୍ରଥମ ସନ୍ତାନକୁ ସ୍ୱାଗତ କରିଛନ୍ତି।
Powered by Froala Editor
