ଜୁସ୍ରେ ବୟଫ୍ରେଣ୍ଡଙ୍କୁ ବିଷ ଦେଲା ପ୍ରେମିକା
ବାହାଘର ଅନ୍ୟ ଜାଗାରେ ଠିକ୍ ହେବାରୁ ବୟଫ୍ରେଣ୍ଡ ଠାରୁ ଅଲଗା ହେବାକୁ ଚାହୁଁଥିଲା ପ୍ରେମିକା । କିନ୍ତୁ ବୟଫ୍ରେଣ୍ଡ ରାଜିନଥିଲା । ବାରମ୍ବାର କହିବା ପରେ ବି ପିଛା ଛାଡୁନଥିଲା । ଏତିକିରେ ରାଗିଯାଇ ବୟଫ୍ରେଣ୍ଡକୁ ହତ୍ୟା କରିଛି ପ୍ରେମିକା । ବୟଫ୍ରେଣ୍ଡକୁ ଡାକି ଜୁସ୍ରେ ବିଷ ଦେଇ ପ୍ରେମିକା ହତ୍ୟା କରିଥିବା ଅଭିଯୋଗ ହୋଇଛି। ଘଟଣାରେ ପ୍ରେମିକାକୁ ପୁଲିସ ଗିରଫ କରିବା ପରେ ଥାନାରେ ସେ ଆତ୍ମହତ୍ୟା ଉଦ୍ୟମ କରିଥିବା ଜଣାପଡ଼ିଛି। ଏମିତି ଏକ ଅଭାବନୀୟ ଘଟଣା ଥିରୁଭନନ୍ତପୁରମରେ ଘଟିଛି।
ସୂଚନା ଅନୁଯାୟୀ ୨୨ ବର୍ଷୀୟ ଯୁବତୀଙ୍କ ସହ ଜଣେ ୨୩ ବର୍ଷୀୟ ଯୁବକଙ୍କ ସହ ପ୍ରେମ ହୋଇଯାଇଥିଲା। ଉଭୟେ ଭୟଙ୍କକୁ ଭଲ ପାଉଥିଲେ। କିନ୍ତୁ ପରବର୍ତ୍ତୀ ସମୟରେ ପ୍ରେମିକାର ଅନ୍ୟତ୍ର ବିବାହ ଠିକ୍ ହୋଇଥିଲା। ପରେ ପ୍ରେମିକା ପ୍ରେମିକ ଜଣକୁ ନିଜ ଜୀବନରୁ ଦୂରେଇ ଯିବା ପାଇଁ କହିଥିଲେ। ହେଲେ ପ୍ରେମିକ ରାଜି ହୋଇ ନଥିଲେ।
ପରେ ଯୁବତୀ ଜଣକ ଗତ ଅକ୍ଟୋବା୧୪ରେ ପ୍ରେମିକଙ୍କୁ ଡାକିଥିଲେ। ଆଉ ଜୁସ୍ରେ ବିଷ ମିଶାଇ ତାଙ୍କୁ ଦେଇଥିଲେ। ଜୁସ୍ ପିଇବା ପରେ ଅସୁସ୍ଥ ହେବାରୁ ତାଙ୍କୁ ମେଡିକାଲ ନିଆଯାଇଥିଲା। ସେଠାରେ ତାଙ୍କର ମୃତ୍ୟୁ ଘଟିଥିଲା। ପୁଅ ଘର ଲୋକେ ହତ୍ୟା ଅଭିଯୋଗ ଆଣିବା ପରେ ପୁଲିସ ଯୁବତୀଙ୍କୁ ଗିରଫ କରିଥିଲା।
Powered by Froala Editor
