ନେହାଙ୍କ ମ୍ୟୁଜିକ ଭିଡିଓ ‘ଓ ସଜ୍ନା..’ରେ ଧନଶ୍ରୀ ବର୍ମା
ବଲିଉଡ଼ କଣ୍ଠଶିଳ୍ପୀ ନେହା କକ୍କରଙ୍କ ମ୍ୟୁଜିକ ଭିଡିଓରେ ଏବେ ନଜର ଆସିବେ କ୍ରିକେଟର ୟୁଜବେନ୍ଦ୍ର ଚହଲଙ୍କ ପତ୍ନୀ ଧନଶ୍ରୀ ବର୍ମା। ଗୀତର ନାଁ ରହିଛି ‘ଓ ସଜ୍ନା..’। ନେହା କକ୍କର ଇନ୍ଷ୍ଟାଗ୍ରାମରେ ଧନଶ୍ରୀଙ୍କ ସହ ଫଟୋ ଶେୟାର କରି ଏହି ଗୀତର ଘୋଷଣା କରିଛନ୍ତି। ନେହା ଗୀତ ବିଷୟରେ ଘୋଷଣା କରି ଏହା ସେପ୍ଟେମ୍ବର ୧୯ ତାରିଖରେ ରିଲିଜ୍ ହେବ ବୋଲି ସୂଚନା ଦେଇଛନ୍ତି। ନେହାଙ୍କ ପୋଷ୍ଟରେ କମେଣ୍ଟ କରି ଧନଶ୍ରୀ ଲେଖିଛନ୍ତି, ‘‘ମୁଁ ବହୁତ ଉତ୍ସାହିତ।’’
ପୋଷ୍ଟରରେ ନେହା ସବୁଜ ରଙ୍ଗର ଡ୍ରେସ୍ ପିନ୍ଧିଛନ୍ତି ଓ ଧନଶ୍ରୀ ଗୋଲାପୀ ରଙ୍ଗର ଏକ ଡ୍ରେସ୍ ପିନ୍ଧିଛନ୍ତି। ଉଭୟ ଛୋଟ ଛୋଟ ଚେୟାର ଉପରେ ବସିଛନ୍ତି ଓ ତାଙ୍କ ପାଖରେ ଖେଳନା, ଉପହାର ଆଦି ରଖାଯାଇଛି। ଉଭୟଙ୍କ ପାଦରେ ପାଉଁଜି ମଧ୍ୟ ଅଛନ୍ତି, ଯାହାକୁ ସେମାନେ ଦେଖାଉଛନ୍ତି।
Powered by Froala Editor
