ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ ପାଇଁ ଲଗ୍ନ ସ୍ଥିର
ବଲାଙ୍ଗିର: ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ ପାଇଁ ବୁଧବାର ଲଗ୍ନ ସ୍ଥିର ହୋଇଛି । ଆସନ୍ତା ସେପ୍ଟେମ୍ୱର ୧ ତାରିଖ ପୂର୍ବାହ୍ନ ୧୦ଟା ୫୪ ମିନିଟ୍ରୁ ୧୧ଟା ୮ ମିନିଟ୍ ମଧ୍ୟରେ ନୂଆଁଖାଇରେ ନବାନ୍ନ ଲାଗି ପାଇଁ ଲଗ୍ନ ଧାର୍ୟ୍ୟ ହୋଇଛି । ଏ ସମ୍ପର୍କରେ ପାଟଣା ମହାରାଜାଙ୍କ ହାଉସ୍ ହୋଲଡ୍ ଅଫିସ୍ରୁ ଘୋଷଣାନାମା ଜାରି ହୋଇଛି ।
ଜିଲ୍ଲା ଜ୍ୟୋତିଷ ପଣ୍ଡିତ ମହାସଭାର ନବାନ୍ନ ଲଗ୍ନ ନିର୍ଣ୍ଣାୟକ କମିଟିର ସିଦ୍ଧାନ୍ତକ୍ରମେ ପାଟଣା ଷ୍ଟେଟ୍ ତଥା ମହାରାଜାଙ୍କ ଇଷ୍ଟଦେବୀ ପାଟଣେଶ୍ୱରୀ ଓ ସମଲେଶ୍ୱରୀଙ୍କ ରାଶି ନକ୍ଷତ୍ର ଏବଂ ପୂର୍ବ ପରମ୍ପରା ଅନୁଯାୟୀ ଉକ୍ତ ଲଗ୍ନ ସ୍ଥିର କରାଯାଇଛି । ସେପ୍ଟେମ୍ୱର ୧ ତାରିଖ ଶନିବାର ବିଶୁଦ୍ଧ ତୁଳା ଲଗ୍ନେ ବୃଷ/ମିଥୁନ ନବାଂଶେ ମାହେନ୍ଦ୍ର ବେଳାରେ ୧୦ଟା ୫୪ରୁ ୧୧ଟା ୮ ମିନିଟ୍ ମଧ୍ୟରେ ନବାନ୍ନ ଲାଗି ହେବ ବୋଲି ସୂଚନା ଦିଆଯାଇଛି ।
Powered by Froala Editor
