ଧାନ ସହ ବାଇଗଣ ବିଷ ଖାଇଦେଲା ଦନ୍ତା
ମୟୂରଭଞ୍ଜ ଜିଲ୍ଲା ବେତନଟୀ ରେଞ୍ଜ ଅଧୀନ ବୈଶିଙ୍ଗା ଥାନା ପୁରୁଣିଆ ପଞ୍ଚାୟତର ବଙ୍ଗାଳୀଡାହୀ ଗାଁରେ ଗୋଟିଏ ଦନ୍ତାହାତୀ ଧାନ ଖାଇବାକୁ ଆସି ବାଇଗଣ ବିଷ ଖାଇଦେଲା । ହାତୀଟି କାର୍ତ୍ତିକ ଚନ୍ଦ୍ର ମନ୍ତ୍ରୀଙ୍କ ଘର ପିଣ୍ଡାରେ ଥିବା ଧାନ ଟାଣି ଆଣି ଖାଇଥିଲା। ହାତୀଟି ଧାନ ବସ୍ତା ପାଖରେ ଥିବା ବାଇଗଣ ବିଷ ପ୍ୟାକେଟ୍ ଖାଇଯାଇଥିଲା। ହାତୀ ବିଷ ଖାଉଥିବା ଦେଖି ଗାଁ ଲୋକେ ହୋ-ହଲ୍ଲା କରିଥିଲେ। ହେଲେ ହାତୀ ଲୋକଙ୍କ ହୋ-ହଲ୍ଲାକୁ ଶୁଣିନଥିଲା। ପରେ ଜଙ୍ଗଲ ଅଭିମୁଖେ ଚାଲି ଯାଇଥିଲା। ହାତୀ ଗଲା ବେଳେ ତା’ ପାଟିରୁ ନାଳ ବାହାରୁଥିବା ଗାଁ ଲୋକେ ଦେଖିବାକୁ ପାଇଥିଲେ।
ଗାଁର ଜଣେ ମହିଳା କହିଛନ୍ତି, ହାତୀଟି ଗତ କିଛି ଦିନ ହେଲା ବୈଶିଙ୍ଗା ଅଞ୍ଚଳରେ ବୁଲାବୁଲି କରୁଥିବା ବେଳେ ଆଜି ବାଲକା ଖିରିପଦା ଜଙ୍ଗଲରେ ଥିଲା। ରାତିରେ ହାତୀଟି ଆସି ବାଡ଼ିରେ ପଶି ଗଛରୁ ୩ରୁ ୪ଟି ପଣସ ଖାଇଥିଲା। ତା’ପରେ ଧାନ ସହିତ ବିଷ ଖାଇଦେଇଥିଲା। ୨ରୁ ୩ଟି ବିଷ ପକେଇ ଖାଇଦେଇଥିଲା। ଆମେ ଯେତେ ଗୋଡ଼ାଇଲେ ମଧ୍ୟ ସେ ଯାଇନଥିଲା। ମାତ୍ର ବିଷର ସ୍ମେଲ ଜାଣିପାରି ଫିଙ୍ଗି ଦେଇଥିଲା।”
ଏହାପରେ ଗାଁ ଲୋକେ ବନ ବିଭାଗକୁ ଖବର ଦେଇଥିଲେ। ହେଲେ ବନ ବିଭାଗ ହାତୀ ଚିକିତ୍ସା ପ୍ରତି ଧ୍ୟାନ ଦେଉନଥିବା ଗାଁ ଲୋକେ ଅଭିଯୋଗ କରିଛନ୍ତି।
Powered by Froala Editor