କେନ୍ଦୁଝର ଜିଲ୍ଲା ଘସିପୁରା ବ୍ଲକ ବାତୋ ପଞ୍ଚାୟତର ଜଣେ ୨୨ ବର୍ଷର ଯୁବକ ସେହି ଗ୍ରାମର ଓଙ୍କାର ପରିଡା (୧୧)ନାବାଳକକୁ ଜାମୁକୋଳି ଖାଇବା ବାହାନାରେ ଡାକିନେଇ ମରଣାତ୍ମକ ଆକ୍ରମଣ କରିଥିବା ଅଭିଯୋଗ ହୋଇଛି l ଏଭଳି ଅଭାବନୀୟ ଘଟଣା ଘଟିଛି ରାମଚନ୍ଦ୍ରପୁର ଥାନା ଅନ୍ତର୍ଗତ ବାତୋ ପଂଚାୟତରେ l

ବାତୋ ପଂଚାୟତ ହରିଜନ ସାହିରେ ବାସ କରୁଥିବା ପେଜ ଜେନାଙ୍କ ପୁଅ କୁଲୁ ଜେନା ବାତୋ ଗ୍ରାମର ଦିଲ୍ଲୀପ ପରିଡାଙ୍କ ପାଖରେ ପାରାଦ୍ୱୀପରେ ରହି କାମ କରୁଥିଲେ l ସେଠି କୌଣସି କାରଣରୁ ଦୁଇଜଣଙ୍କ ମଧ୍ୟରେ ବଚସା ହୋଇଥିଲା । ସେଠୁ କୁଲୁ ଜେନା କାମ ଛାଡ଼ି ଘରକୁ ଫେରି ଆସିଥିଲେ l ପୂର୍ବ ଶତ୍ରୁତାକୁ କେନ୍ଦ୍ର କରି କୁଲୁ ଜେନା ଦିଲ୍ଲୀପ ପରିଡାଙ୍କ ଏକ ମାତ୍ର ପୁଅ ଓଙ୍କାର ପରିଡାଙ୍କୁ(୧୧) ଜାମୁ କୋଳି ଖାଇବା ବାହାନା ରେ ଡ଼ାକି ନେଇଥିଲା । ହେଲେ ଗଛରେ ଜାମୁ କୋଳି ପାଚି ନଥିବାରୁ ଓଙ୍କାର ପରିଡା ଜାମୁ କୋଳି ଖାଇବାକୁ ମନା କରିବାରୁ କୁଲୁ ଜେନା ଓଙ୍କାରର ତଣ୍ଟି ଚିପି ତାଙ୍କୁ ମାଡ଼ ମାରୀ ଆଚେତ କରି ପାଟି ଓ ଆଖି କୁ ଏକ କପଡା ରେ ବାନ୍ଧିଦେଇ କରଡ଼ାପାଳ ଗ୍ରାମର କୋଚିଆ ନାଳି ଗଣ୍ଡରେ ପକାଇ ଦେଇଥିଲା l ଓଙ୍କାର ଚେତା ଫେରି ପାଇବା ପରେ କରଡ଼ାପାଳ ଗ୍ରାମର କାର୍ତ୍ତିକ ମଲ୍ଲିକ ଘରକୁ ଆସି ମୋତେ ରକ୍ଷା କର କହିଥିଲା l  କାର୍ତ୍ତିକ ମଲ୍ଲିକ ଓଙ୍କାରଠୁ ସବୁ କଥା ଜାଣିବା ପରେ ଓଙ୍କାର କୁ ଆଣି ତାଙ୍କ ଘରେ ଛାଡିଥିଲେ l ପରେ ଓଙ୍କାର ବାପା ଦିଲ୍ଲୀପ ପରିଡା ସାଇଁକୁଳ ଫାଣ୍ଡିରେ ଲିଖିତ ଅଭିଯୋଗ କରିଥିଲେ l ରାମଚନ୍ଦ୍ରପୁର ଥାନା ଆଇପିଏସ ୟସ ପ୍ରତାପ ଶ୍ରୀମଲ ଯୁବକକୁ ଅଟକାଇ କୋଟ୍ ଚାଲାଣ କରାଯାଇଥିବା ଜଣାପଡିଛି ।