ଅକ୍ସିଜେନ୍ ବୋଝେଇ ଟ୍ୟାଙ୍କରକୁ ଧକ୍କା ଦେଲା ହାଇୱା
ଶନିବାର ସନ୍ଧ୍ୟାରେ ଏକ ଅକ୍ସିଜେନ୍ ବୋଝେଇ ଟ୍ୟାଙ୍କର ଦୁର୍ଘଟଣାଗ୍ରସ୍ତ ହୋଇଛି । ଖୋର୍ଦ୍ଧା ଜିଲ୍ଲା ୧୬ ନମ୍ବର ଜାତୀୟ ରାଜପଥର ଟାଙ୍ଗୀ ବାଇପସରେ ଅକ୍ସିଜେନ୍ ବୋଝେଇ ଟ୍ୟାଙ୍କରକୁ ଧକ୍କା ଦେଇଛି ହାଇୱା । ଅକ୍ସିଜେନ ବୋଝେଇ ଟ୍ୟାଙ୍କରକୁ ଧକ୍କା ଦେଇ ହାଇୱାଟି ଫେରାର୍ ହୋଇଯାଇଛି । ଦୁର୍ଘଟଣାରେ ଅକ୍ସିଜେନ୍ ଟ୍ୟାଙ୍କରର ସମ୍ମୁଖ ଭାଗ କ୍ଷତିଗ୍ରସ୍ତ ହୋଇଥିବା ବେଳେ ଚାଳକ ସୁରକ୍ଷିତ ଅଛନ୍ତି । ଅକ୍ସିଜେନ୍ ଟ୍ୟାଙ୍କରକୁ ଏସକର୍ଟ କରି ଆଣୁଥିବା ପୋଲିସ ସହ ଟାଙ୍ଗୀ ଅଗ୍ନିଶମ ବାହିନୀ ଉଦ୍ଧାର କାର୍ଯ୍ୟ ଜାରି ରଖିଛି ।
ସୂଚନା ଅନୁସାରେ, ଅନୁଗୁଳରୁ ମେଡିକାଲ୍ ଅକ୍ସିଜେନ୍ ଧରି ଟ୍ୟାଙ୍କରଟି ଆନ୍ଧ୍ର ପ୍ରଦେଶ ଅଭିମୁଖେ ଯାଉଥିଲା । ହାଇୱା ସହ ଅକ୍ସିଜେନ୍ ଟ୍ୟାଙ୍କରର ସମ୍ମୁଖ ଭାଗ ଧକ୍କା ହୋଇଥିବାରୁ ଅକ୍ସିଜେନ୍ ଲିକ୍ ହୋଇନଥିବା ଜଣାପଡ଼ିଛି ।
Powered by Froala Editor
