ଭୁବନେଶ୍ୱର : କେନ୍ଦ୍ରଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କେନ୍ଦ୍ରୀୟ ବିଦ୍ୟାଳୟ ନାମ ଲେଖା ନେଇ ବଡ଼ ଘୋଷଣା କରିଛନ୍ତି  । କୋଭିଡ଼ରେ ପିତାମାତାଙ୍କୁ ହରାଇଥିବା ଅନାଥମାନେ କେନ୍ଦ୍ରୀୟ ବିଦ୍ୟାଳୟରେ ପାଠ ପଢ଼ିପାରିବେ  । ସେମାନଙ୍କୁ ମାଗଣାରେ ପାଠପଢ଼ା ଯିବବୋଲି କେନ୍ଦ୍ର ଶିକ୍ଷା ମନ୍ତ୍ରଣାଳୟ ପକ୍ଷରୁ ନିଷ୍ପତ୍ତି ନିଆଯାଇଛି  ।

କେନ୍ଦ୍ରୀୟ ବିଦ୍ୟାଳୟ ସଂଗଠନ ଜରିଆରେ କେନ୍ଦ୍ରୀୟ ବିଦ୍ୟାଳୟରେ ନାମ ଲେଖା ଓ ପାଠପଢ଼ା ହେଉଛି  । ପୂର୍ବରୁ ଏହି ବିଦ୍ୟାଳୟଗୁଡ଼ିକରେ ନାମ ଲେଖା ପାଇଁ ରାଜ୍ୟସଭା ଓ ଲୋକସଭା ସାଂସଦମାନଙ୍କୁ ସ୍ୱତନ୍ତ୍ର ଭାବେ ୧୦ଟି ଲେଖାଏଁ କୋଟା ଦିଆଯାଉଥିଲା  । ସେହିପରି ଜିଲ୍ଳାପାଳ, ଅନ୍ୟ କେତେକ ଅଧିକାରୀ ଏବଂ କେନ୍ଦ୍ର ଶିକ୍ଷାମନ୍ତ୍ରୀ ମଧ୍ୟ ନାମଲେଖା ପାଇଁ ସୁପାରିଶ କରିପାରୁଥିଲେ  । କିନ୍ତୁ ତାହାକୁ କେନ୍ଦ୍ର ସରକାର ଉଚ୍ଛେଦ କରିଦେଇଛନ୍ତି  । ତେବେ ନୂତନ ଭାବେ କୋଭିଡ଼ ଅନାଥମାନଙ୍କୁ ପାଠପଢ଼ିବାର ସୁଯୋଗ ଦେବା ନିମନ୍ତେ କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି  ।

ପିଏମ କେୟାରସ ଯୋଜନା ଜରିଆରେ ଏହି ଅନାଥମାନେ ସେଠାରେ ପଢ଼ିପାରିବେ  । ଜିଲ୍ଲାପାଳମାନଙ୍କ ସୁପାରିଶ ଆଧାରରେ ଏହି ବିଦ୍ୟାଳୟରେ ନାମଲେଖା ହେବ  । ପ୍ରତି କେଭି ପାଇଁ ଜିଲ୍ଲାପାଳମାନେ ୧୦ ଜଣଙ୍କ ନାମ ସୁପାରିଶ କରିପାରିବେ  । ସେହିପରି ଗୋଟିଏ ଶ୍ରେଣୀ ନିମନ୍ତେ ମାତ୍ର ୨ ଜଣଙ୍କ ନାମ ସୁପାରିଶ କରାଯିବ  । ସେଠାରେ ପିଲାମାନଙ୍କୁ ଟ୍ୟୁସନ ଫି’, କମ୍ପ୍ୟୁଟର ଫି ଭଳି କେତେକ ଫି’ ଛାନ କରାଯିବ  । ପ୍ରଥମରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଅନାଥ ପିଲାମାନେ ନାମ ଲେଖାଇପାରିବେ ବୋଲି ଗାଇଡ଼ଲାଇନ ଜାରି କରାଯାଇଛି  ।

Powered by Froala Editor