ଭୁବନେଶ୍ୱର : ଶ୍ରୀମନ୍ଦିରରେ ଚୁଲି ଭାଙ୍ଗିବା ଭଳି ଗର୍ହିତ ଓ ଅମାନବୀୟ କାର୍ଯ୍ୟ କରିଥିବା ଅଭିଯୁକ୍ତ ଧରାପଡ଼ିଥିବା ଜାଣିବାକୁ ମିଳିଛି  । ସିସିଟିଭି କ୍ୟାମେରାରୁ ଅଭିଯୁକ୍ତ ଜଣଙ୍କ ଚିହ୍ନଟ ହୋଇଥିବାବେଳେ ତାକୁ ପଚରାଉଚରା କରାଯାଉଛି  ।  ତାଠାରୁ ସୂଚନା ପାଇ ଅନ୍ୟ ଅଭିଯୁକ୍ତମାନଙ୍କୁ ଧରାଯିବ  । ଅପରପକ୍ଷରେ ଶ୍ରୀମନ୍ଦିରର କଡ଼ା ସୁରକ୍ଷା ବଳୟ ଭିତରେ ଏଭଳି କାଣ୍ଡ ଭିଆଇବା ପରେ ପ୍ରଶାସନର ଚେତା ପଶିଛି  । ଆଗକୁ ସୁରକ୍ଷା ବ୍ୟବସ୍ଥା ଆହୁରି ବୃଦ୍ଧି କରିବା ସହ ସିସିଟିଭି କ୍ଷମତାକୁ ବୃଦ୍ଧି କରାଯିବ  । ରାତିରେ ଶ୍ରୀମନ୍ଦିର ପୁଲିସ ସହ ଓଡ଼ିଶା ପୁଲିସଙ୍କୁ ମନ୍ଦିର ଜଗିବା ଦାୟିତ୍ୱରେ ନିୟୋଜିତ କରାଯିବ  ।

ଅପରପକ୍ଷରେ ଶ୍ରୀମନ୍ଦିର ଚୁଲି ଭଙ୍ଗା ଘଟଣାକୁ ଶ୍ରୀମନ୍ଦିର ପ୍ରଶାସନ, ଜିଲ୍ଲା ପ୍ରଶାସନ ଓ ପୁଲିସ ବାହିନୀ ଗୁରୁତର ସହ ନେଇଛନ୍ତି  । ଗତକାଲି ନୀତି ପ୍ରଶାସକ ଓ ସୁରକ୍ଷା ପ୍ରଶାସକ ଧୋପଖାଳିଆ, ଅଙ୍ଗାରୁଆ ଓ ରୋଷଦୁଆରି ଆଦି ସେବକଙ୍କୁ ଶ୍ରୀମନ୍ଦିର କାର୍ଯ୍ୟାଳୟକୁ ଡାକି ଘଟଣା ବାବଦରେ ପଚରାଉଚରା କରିଛନ୍ତି  । ମହାପ୍ରଭୂଙ୍କ ବଡ଼ ସିଂହାର ଠାରୁ ପରଦିନ ରୋଷଘର ଘଟଣା ଜଣାପଡ଼ିବା ପର୍ଯ୍ୟନ୍ତ ଯେଉଁମାନେ ଦାୟିତ୍ୱରେ ଥିଲେ ସେମାନଙ୍କ ବୟାନ ରେକଡର଼୍ କରାଯାଇଛି  । ସେହିପରି ସିଂହଦ୍ୱାର, ଭୋଗମଣ୍ଡପ, ଗଙ୍ଗାଯମୁନା କୁଅ ଓ ଦକ୍ଷିଣ ଦ୍ୱାର ସିସିଟିଭି ଯାଂଚ କରାଯାଇଛି  । 

Powered by Froala Editor