ଭୁବନେଶ୍ୱର:  ବିଧାନସଭାରେ ଉଠିଲା କ୍ୟାମେରାମ୍ୟାନ ମାନସ ସ୍ୱାଇଁ ହତ୍ୟା ପ୍ରସଙ୍ଗ ।  କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା ଶୂନ୍ୟକାଳରେ ଏହି ପ୍ରସଙ୍ଗ ଉଠାଇଛନ୍ତି ।  ଏ ପର୍ଯ୍ୟନ୍ତ କାହିଁକି ଶର୍ମିଷ୍ଠା ରାଉତଙ୍କୁ କାହିଁକି ଗିରଫ କରାଯାଇନି ବୋଲି ସେ ପ୍ରଶ୍ନ କରିଛନ୍ତି । 

ସେ କହିଛନ୍ତି ଯେ, ମାନସଙ୍କ ମା’ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ନାଁ କହିଛନ୍ତି ।  ମମିତା ହତ୍ୟା ମାମଲାରେ ବି ମନ୍ତ୍ରୀଙ୍କ ନାଁରେ ଅଭିଯୋଗ ଆସିଥିଲା । ଏବେ ବି ଅଭିଯୋଗ ଆସିଛି, କାହିଁକି କାର୍ଯ୍ୟାନୁଷ୍ଠାନ ହେଉନି ।  କ୍ରାଇମବ୍ରାଞ୍ଚ ତଦନ୍ତ ନିଦେ୍ର୍ଧଶ ଦିଆଯାଇଛି । କିନ୍ତୁ ତଦନ୍ତ ଠିକଭାବେ ହେଉନି ।  ଗୃହ ମନ୍ତ୍ରୀଙ୍କ ନାମରେ ଅଭିଯୋଗ ଆସିଛି । ତେଣୁ ଏହାର ସିବିଆଇ ତଦନ୍ତ କରାଯାଉ ବୋଲି  କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା ଶୂନ୍ୟକାଳରେ ଦାବି କରିଛନ୍ତି । 

ଅନ୍ୟପଟେ ମମିତା ମେହେର ଭଳି ମାନସକୁ ଅପହରଣ ପରେ ସମାନ ଢଙ୍ଗରେ ହତ୍ୟା କରାଯାଇଛି । ଆଉ ମମିତା ଭଳି ମାନସର ମୃତଦେହକୁ ମାଟି ତଳେ ପୋତିଲେ ଅଭିଯୁକ୍ତ । ତେବେ ସମାନ ଢଙ୍ଗରେ ଏହି କେସରେ ହାଇପ୍ରୋଫାଇଲ ଲୋକଙ୍କ ସମ୍ପୃକ୍ତି ରହିଛି ।

 ମାନସ ସ୍ବାଇଁ ହତ୍ୟା ଘଟଣାକୁ ନେଇ କ୍ରାଇମବ୍ରାଞ୍ଚ ତଦନ୍ତ କରୁଥିବା ବେଳେ ଅପହରଣ ସ୍ଥଳ ପରେ ହତ୍ୟା ସ୍ଥଳରେ ପହଞ୍ଚି ତନାଘନା ଆରମ୍ଭ କରିଛି । ଫରେନସିକ ଟିମ ସହ ଆଶ୍ରମ ଚାରିପଟେ ଓ ଆଶ୍ରମରୁ ପ୍ରମାଣପତ୍ର ସଂଗ୍ରହ କରିଛି କ୍ରାଇମବ୍ରାଞ୍ଚ ।ତେବେ ଘଟଣାର‌ ପ୍ରତ୍ୟକ୍ଷଦର୍ଶୀ ଆଶ୍ରମ କେୟାର ଟେକର ବୟାନ ଆଧାରରେ ଆଶ୍ରମରୁ ଖୋଜି ଖୋଜି ପ୍ରମାଣ ସଂଗ୍ରହ ଚାଲିଛି । ଥ୍ରିଡି ଭିୟୁରେ ଆଶ୍ରମର ଚିତ୍ର ଉତ୍ତୋଳନ କରିଥିବା ବେଳେ ହତ୍ୟା ସ୍ଥଳରୁ କିଛି ବତା ଓ ବାଡି ଜବତ କରିଛି କ୍ରାଇମବ୍ରାଞ୍ଚ ଟିମ । କାରଣ ସଂଗୃହିତ ପ୍ରମାଣରୁ ଅଭିଯୁକ୍ତଙ୍କ ବିରୋଧରେ କୋର୍ଟରେ ପ୍ରମାଣ ଏକଜୁଟ କରିବାରେ କ୍ରାଇମବ୍ରାଞ୍ଚକୁ ସହାୟକ ହେବ ।

Powered by Froala Editor