ଜମ୍ମୁ-କଶ୍ମୀର ସ୍ଲା୍ଥିଆ ଚୌକରେ ବିସ୍ଫୋରଣ : ଜଣେ ମୃତ, ୧୩ ଆହତ
ପୁଣି ଜମ୍ମୁ-କଶ୍ମୀରର ଉଧମପୁରରେ ଥିବା ସ୍ଲା୍ଥିଆ ଚୌକରେ ବିସ୍ଫୋରଣ ଘଟିଥିବା ଜଣାପଡ଼ିଛି। ଏହି ବିସ୍ଫୋରଣରେ ଜଣକର ମୃତ୍ୟୁ ହୋଇଥିବା ବେଳେ ୧୩ଜଣ ଆହତ ହୋଇଛନ୍ତି। ଖବର ପାଇ ପୁଲିସ ଓ ବମ୍ ଡିସପୋଜାଲ୍ ସ୍କ୍ୱାଡ ଏବଂ FSL ଟିମ୍ ତୁରନ୍ତ ଘଟଣାସ୍ଥଳରେ ପହଞ୍ଚିଛନ୍ତି। ଆହତଙ୍କୁ ଏବେ ଚିକିତ୍ସା ନିମନ୍ତେ ଡାକ୍ତରଖାନା ନିଆଯାଇଥିବା ବେଳେ ବିସ୍ଫୋରଣ ପଛର କାରଣ ଏବଂ କେନ୍ଦ୍ରସ୍ଥଳ ଖୋଜିବା ଆରମ୍ଭ କରିଛି ପୁଲିସ।
ପ୍ରାଥମିକ ତଦନ୍ତରୁ ଜଣାପଡିଛି ଯେ, ପରିବା ବିକାଳି ଏକ ଷ୍ଟଲ୍ରେ ଏହି ବିସ୍ଫୋରଣ ହୋଇଛି। ସେପଟେ କିନ୍ତୁ ମନ୍ତ୍ରୀ ଡକ୍ଟର ଜିତେନ୍ଦ୍ର ସିଂହ ଏକ ବାର୍ତ୍ତାରେ କହିଛନ୍ତି ଯେ ଉଧମପୁରର ତହସିଲଦାର କାର୍ଯ୍ୟାଳୟ ନିକଟ ହୋଇଥିବା ବିସ୍ଫୋରଣରେ ୧୩ ଜଣ ଆହତ ହୋଇଛନ୍ତି। ସେ ଏହି ପ୍ରସଙ୍ଗରେ ଡିସି ଇନ୍ଦୁ ଚିବଙ୍କ ସହ ଯୋଗାଯୋଗରେ ଅଛନ୍ତି। ଘଟଣାର ତଦନ୍ତ ପାଇଁ ପୁଲିସ ଓ ପ୍ରଶାସନକୁ ନିର୍ଦ୍ଦେଶ ଦିଆଯାଇଛି। ଏହା ବ୍ୟତୀତ ସମସ୍ତ ଆହତଙ୍କୁ ଆବଶ୍ୟକ ଚିକିତ୍ସା ସୁବିଧା ଯୋଗାଇବାକୁ କୁହାଯାଇଛି।
Powered by Froala Editor
