ସାନୋଗ୍ରାଫି ସହାୟତାରେ ଗର୍ଭସ୍ଥ ଶିଶୁର ଲିଙ୍ଗ ନିରୂପଣ କରାଯାଉଥିବା ବେଳେ ଭାରତରେ ଏହା ବେଆଇନ ଅଟେ । ଏକବିଂଶ ଶତାବ୍ଦୀରେ ପହଞ୍ଚି ମଧ୍ୟ କେତେକ ବର୍ଗ ପୁତ୍ର ସନ୍ତାନକୁ ପ୍ରାଧାନ୍ୟ ଦେଉଛନ୍ତି । ଆମ ଦେଶରେ ଶିଶୁର ଲିଙ୍ଗ ନିରୂପଣ ଆଇନ ଖୁବ କଡ଼ା ଭାବେ ପାଳନ କରାଯାଉଥିବା ବେଳେ ଏପରି ସ୍ଥଳେ ଲୋକ ଅନ୍ଧବିଶ୍ୱାସର ବଶବର୍ତ୍ତୀ ହୋଇ ଅନ୍ୟ ଦିଗରେ ଆଗଉଥିବାର ଦେଖାଯାଉଛି । ଝାଡ଼ଖଣ୍ଡର ଲୋହରାଦଗାସ୍ଥିତ ଏକ ଗ୍ରାମ ହେଉଛି ଖୁଖରା । ସେଠାରେ ଥିବା ଏକ ପାହାଡ଼କୁ ପଥର ଫିଙ୍ଗି ଲୋକେ ଜାଣିପାରନ୍ତି ଗର୍ଭସ୍ଥ ଶିଶୁ କନ୍ୟା କିମ୍ବା ପୁତ୍ର । ଅଧିକାଂଶ ପରିବାର ଗୋପନୀୟ ଭାବେ ଏଠାକୁ ଆସି ପାହାଡ଼କୁ ପଥର ଫିଙ୍ଗୁଥିବାର ସ୍ଥାନୀୟଲୋକଙ୍କ ମତ । ସେଠାରେ ଜନୈକ ବୃଦ୍ଧ ମହିଳାଙ୍କ କହିବାନୁସାରେ, ୪୦୦ ବର୍ଷ ତଳର ଏକ ପୁରାତନ ପରମ୍ପରା । ପ୍ରତିଦିନ ଗର୍ଭବତୀ ମହିଳାମାନେ ଏଠାକୁ ନିଜ ପରିବାର ସହ ଆସନ୍ତି । ପାହାଡର ପୂର୍ବାନୁମାନ ସତ ହୋଇଥିବାର ସେଠାର ଲୋକଙ୍କ ମତ । ଘଟଣାଟି ପ୍ରଚାର ହେବା ପରେ କେତେ ଜଣ ‘ଲିଙ୍ଗ ନିରୂପଣ’ ନ୍ୟାୟ ବିରୋଧ କରିବା ସ୍ୱର ଉତ୍ତୋଳନ କରିଥିଲେ । ଏହା ପରଠାରୁ ଗର୍ଭବତୀ ମହିଳାଙ୍କୁ ପରିବାର ଲୋକ ବିଳମ୍ବିତ ପ୍ରହରରେ ପାହାଡ଼ ନିକଟକୁ ଆଣୁଥିବାର ମହିଳା ଶାନ୍ତି ଦେବୀ କହିଛନ୍ତି । ପାହାଡ଼ର ଚନ୍ଦ୍ରମା ଆକୃତି ହୋଇଥିବାର ମଝିରେ ଯଦି ପଥର ବାଜିଲା, ତେବେ ଗର୍ଭସ୍ଥ ଶିଶୁ ପୁଅ । ଯଦି ଚନ୍ଦ୍ରମାର ସ୍ଥାନ ବାହାରେ ପଥର ବାଜେ, ଗର୍ଭସ୍ଥ ଶିଶୁ ଝିଅ । ଏଭଳି ଉପାୟରେ ଲିଙ୍ଗ ନିରୂପଣ କରୁଥିବା ଲୋକଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଦରକାର ।

Powered by Froala Editor