ଦୁର୍ଘଟଣାରେ ସହଦେବ ଗୁରୁତର, ବଚ୍ପନକା ପ୍ୟାର ଗୀତ ଗାଇ ପପୁଲାର ହୋଇଥିଲେ
ବଚ୍ପନକା ପ୍ୟାର ଗୀତ ଗାଇ ଇଣ୍ଟରନେଟ୍ ସେନ୍ସେସନ୍ ପାଲଟିଥିବା ଛତିଶଗଡ଼ ସୁକମା ଜିଲ୍ଲାର ସହଦେବ ଦିର୍ଦୋ ଦୁର୍ଘଟଣାରେ ଗୁରୁତର ହୋଇଛନ୍ତି। ସହଦେବ ବାଇକରୁ ଖସିପଡ଼ି ଗୁରୁତର ହୋଇଛନ୍ତି। ସହଦେବଙ୍କୁ ଦୁର୍ଘଟଣା ପରେ ପ୍ରଥମେ ସୁକମା ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହା ପରେ ତାଙ୍କୁ ଜଗଦଲପୁର ମେଡିକାଲ କଲେଜକୁ ପଠାଯାଇଥିଲା । ସଡ଼କ ଦୁର୍ଘଟଣାରେ ସହଦେବଙ୍କ ମୁଣ୍ଡରେ ଗଭୀର ଆଘାତ ଲାଗିଛି । ଏହି ଖବର ଜାଣିବା ପରେ ଛତିଶଗଡ଼ ମୁଖ୍ୟମନ୍ତ୍ରୀ ଭୁପେଶ ବାଘେଲ ସୁକମା ଜିଲ୍ଲାପାଳଙ୍କୁ ଫୋନ କରି ସହଦେବଙ୍କୁ ଉନ୍ନତ ଚିକିତ୍ସା ଦେବା ପାଇଁ କହିଥିଲେ । ଏଥିସହ ବଲିଉଡ କଣ୍ଠଶିଳ୍ପୀ ବାଦଶାହା ମଧ୍ୟ ଏହି ଘଟଣା ପରେ ଟ୍ୱିଟ୍ କରି ସହଦେବଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ସୂଚନା ଦେଇଛନ୍ତି । ସେ ଲେଖିଛନ୍ତି କି ମୁଁ ସହଦେବଙ୍କ ପରିବାର ଓ ସାଙ୍ଗମାନଙ୍କ ସହ କଥା ହୋଇଛି । ସହଦେବ ଏବେ ଚେତାଶୂନ୍ୟ ଅବସ୍ଥାରେ ଅଛନ୍ତି ବୋଲି ଟ୍ୱିଟ୍ କରି କହିଛନ୍ତି ବାଦଶାହା ।
ଦୁଇ ବର୍ଷ ପୂର୍ବେ ସହଦେବକୁ ତାଙ୍କ ସ୍କୁଲ ଶିକ୍ଷକ ଏକ ଗୀତ ଗାଇବାକୁ କହିଥିଲେ। ସ୍କୁଲରେ ଗାଇଥିବା ’ବଚପନ୍ କା ପ୍ୟାର’ ଭିଡିଓଟି ପରେ ଇଣ୍ଟରନେଟରେ ଖୁବ୍ ଭାଇରାଲ ହୋଇ ବେଶ ଲୋକପ୍ରିୟତା ସାଉଁଟିଥିଲା।
Powered by Froala Editor
