ପ୍ରାୟତଃ ଆମେ ଗରମ କରିବା ପରେ ବଳକା ଖାଦ୍ୟ ରଖି ଦେଇଥାଉ, କିନ୍ତୁ ଆପଣ ଜାଣନ୍ତି କି ଏପରି କିଛି ଖାଦ୍ୟ ଅଛି ଯାହାକୁ ପୁନର୍ବାର ଗରମ କରି ଖାଇବା ଦ୍ବାରା ତାହା ଶରୀର ପାଇଁ କ୍ଷତିକାରକ ହୋଇଥାଏ । ଯଦି ଆପଣ ଏହି ଖାଦ୍ୟଗୁଡିକୁ ପୁଣି ଥରେ ଗରମ କରି ଖାଆନ୍ତି, ତେବେ ଅନେକ ରୋଗ ହେବାର ଆଶଙ୍କା ବଢ଼ିଯାଏ।

ଭାତ :
ଭାରତ ତଥା ଓଡ଼ିଶାରେ ଭାତ ପ୍ରଧାନ ଖାଦ୍ୟ ଭାବେ ପ୍ରାୟତଃ ଗ୍ରହଣ କରାଯାଏ। ଯେକୌଣସି ଘରେ ଅତି ସହଜରେ ଭାତ ମିଳିଯିବ। ଭାତରେ ଥିବା ବ୍ୟକ୍ଟେରିଆ ପୁଣି ଥରେ ଗରମ କରିବା ଦ୍ବାରା ବିଷାକ୍ତ ହୋଇପାରେ ବୋଲି ଜଣାପଡ଼ିଛି। ଦ୍ବିତୀୟ ବାର ଗରମ କରି ଭାତ ଖାଇବା ଦ୍ବାରା ଡାଇରିଆ ଏବଂ ବାନ୍ତି ହୋଇପାରେ।

ଅଣ୍ଡା:
ଅଣ୍ଡା କେତେ ଉପଯୋଗୀ ସମସ୍ତେ ଜାଣିଛନ୍ତି। ପ୍ରୋଟିନର ଶକ୍ତିକେନ୍ଦ୍ର ବୋଲି ଅଣ୍ଡାକୁ କୁହାଯାଏ। କିନ୍ତୁ ସୁସ୍ବାଦୁ ଖାଦ୍ୟ ଦ୍ବିତୀୟ ଥର ଗରମ କରିବା ଦ୍ବାରା ବିଷାକ୍ତ ହୋଇପାରେ। ସିଜା ଅଣ୍ଡା ଦ୍ବିତୀୟ ବାର ଗରମ କରିବା ଉଚିତ ନୁହେଁ।

ଚିକେନ୍‌ :
କୁକୁଡ଼ା ମାଂସ ଖାଇବାକୁ ଭଲ ପାଉଥିଲେ ଜାଣିରଖିବା ଉଚିତ ଯେ, ଦ୍ବିତୀୟ ଥର ମାଂସ ଗରମ କରିବା ଅନୁଚିତ। ଦ୍ବିତୀୟ ଥର ଗରମ କରି ଖାଇଲେ କୌଣସି ପ୍ରକାର ଭିଟାମିନ୍ ମିଳିବା ନାହିଁ। ଏହା ସହ ଏମିତି ମାଂସ ଖାଇଲେ ହଜମ କ୍ରିୟା ବାଧାପ୍ରାପ୍ତ ହୋଇପାରେ। କିନ୍ତୁ ଏହାକୁ ନଫୋପାଡ଼ି ସାଲାଡ୍‌ରେ ବ୍ୟବହାର କରିପାରିବେ।

ଛତୁ:
ଛତୁ ରାନ୍ଧିବା ପରେ ପରଦିନ ଖାଇବା ଲାଭଦାୟକ ନୁହେଁ । ଏଥିରେ ଏପରି ଅନେକ ଉପାଦାନ ଅଛି, ଯାହା ପରେ ଆପଣଙ୍କ ହଜମ ପ୍ରକ୍ରିୟା ପାଇଁ କ୍ଷତିକାରକ । ଛତୁକୁ ପୁନର୍ବାର ଗରମ କରନ୍ତୁ ନାହିଁ ।

ଶାଗ :
ସମସ୍ତ ପ୍ରକାର ଶାଗରେ ଅନେକ ପ୍ରକାର ଭିଟାମିନ୍‌ ଥାଏ। କିନ୍ତୁ ଏହାକୁ ରୋଷେଇ ପରେ ଗରମ କରି ଖାଇଲେ କ୍ୟାନସର ଆଶଙ୍କା ବୃଦ୍ଧି ପାଏ। କୁଶଳା, ପାଳଙ୍ଗ ଭଳି ଶାଗରେ ଆଇରନ୍‌ ଏବଂ ନାଇଟ୍ରେଟ୍‌ସ୍‌ ଅଧିକ ଥାଏ। ଯାହାକୁ ପୁଣି ଗରମ କଲେ ଏହା ନାଇଟ୍ରାଇଟସ୍‌ରେ ପରିଣତ ହୋଇଥାଏ। ତେବେ ସବୁ ବେଳେ ତାଜା ପନିପରିବା ଖାଇବା ଭଲ।

Powered by Froala Editor