ଆଜି ଦେଶରେ ୯ ହଜାର ୨୮୩ କରୋନା ପଜିଟିଭ୍
ନୂଆଦିଲ୍ଳୀ: ଦେଶରେ ଦିନେ କମିଲେ ଦିନେ ବଢୁଛି ସଂକ୍ରମଣ । ଗତ ୨୪ଘଣ୍ଟାରେ ଦେଶରେ ୯ହଜାର ୨୮୩ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ କେବଳ କେରଳରୁ ୨୪ଘଣ୍ଟାରେ ୩ହଜାର ୬୯୮ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏହା ସିହିତ ଦେଶରେ ଆଜି ୪୩୭ ଜଣଙ୍କ ମୃତୁ୍ୟ ହୋଇଥିବା ସୂଚନା ମିଳିଛି । ସେହିପରି ମୃତକଙ୍କ ମଧ୍ୟରେ କେବଳ କେରଳରୁ ୭୫ଜଣ ରହିଛନ୍ତି । ମୋଟ କରୋନା ଜନିତ ମୃତୁ୍ୟ ସଂଖ୍ୟା ୪ଲକ୍ଷ ୬୬ହଜାର ୧୪୭କୁ ଛୁଇଁଛି । ମୃତୁ୍ୟହାର ୧.୩୫ ପ୍ରତିଶତ ରହିଛି ବୋଲି ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି ।
ଆଜି ଦେଶରେ ୧୦ହଜାର ୯୪୯ଜଣ ସୁସ୍ଥ ହୋଇଛନ୍ତି । ସଂକ୍ରମଣ ଆରମ୍ଭରୁ ବର୍ତ୍ତମାନ ସୁଦ୍ଧା ୩କୋଟି ୩୯ଲକ୍ଷ ୪୬ହଜାର ୭୪୯ଜଣ ସୁସ୍ଥ ହୋଇଛନ୍ତି । ଅପରପକ୍ଷରେ ସକ୍ରିୟ ମାମଲା ରହିଛି ୧ଲକ୍ଷ ୧୧ହଜାର ୪୮୧ ରହିଛି । ଏହା ସହିତ ସାପ୍ତାହିକ ପଜିଟିଭ୍ ହାର ୦.୯୪ପ୍ରତିଶତରୁ କମ୍ ରହିଛି । ସକ୍ରିୟ ମାମଲା ୦.୩୩ ରହିଛି ।
Powered by Froala Editor
