ଟାଙ୍କି ସଫା କରିବା ବେଳେ ୫ ଶ୍ରମିକଙ୍କ ମୃତ୍ୟୁ
ଗୁଜୁରାଟରେ ଟାଙ୍କି ସଫା କରିବା ବେଳେ ୫ ଶ୍ରମିକଙ୍କ ମୃତ୍ୟୁ ଘଟିଛି । ଗାନ୍ଧୀନଗର ଜିଲ୍ଲା କଲୋଳର ଖଟରାଜ ଗାଁରେ ଏ ଅଘଟଣ ଘଟିଛି । ଟାଙ୍କି ପାଣି ଅସନା ହୋଇଯାଇଥିବାରୁ ଗ୍ରାମର ୫ ଜଣ ଶ୍ରମିକ ଏହାକୁ ସଫା କରିବା ପାଇଁ ଟାଙ୍କି ଭିତରକୁ ପଶିଥିଲେ । ଟାଙ୍କି ସଫା କରିବା ପରେ ୫ ଜଣଙ୍କର ମୃତ୍ୟୁ ହୋଇଯାଇଥିଲା । ଖବର ପାଇ ସ୍ଥାନୀୟ ପୋଲିସ ଗାଁରେ ପହଁଞ୍ଚି ୫ ଜଣ ଯୁବକଙ୍କ ଶବକୁ ଉଦ୍ଧାର କରିବା ସହ ମାମଲାର ତଦନ୍ତ ଆରମ୍ଭ କରିଛି । ଏହି ୫ ଜଣ ଯୁବକଙ୍କ ମୃତ୍ୟୁ ଅସନା ପାଣି ପାଇଁ ନୁହେଁ ବରଂ ଟାଙ୍କି ଭିତରେ ଅଣନିଶ୍ୱାସି ହେବା ଯୋଗୁଁ ହୋଇଛି ବୋଲି କୁହାଯାଉଛି । ତେବେ ମୃତ୍ୟୁର ସଠିକ୍ କାରଣ ଏଯାଏ ମିଳିପାରିନାହିଁ ବୋଲି ପୋଲିସ ସ୍ପଷ୍ଟ କରିଛି ।
Powered by Froala Editor
