ଟିଏମ୍ସିରେ ଯୋଗଦେଲେ ଏହି ଅଭିନେତ୍ରୀ, ପଢ଼ନ୍ତୁ ରିପୋର୍ଟ...
ଗୋଆ: ପଶ୍ଚିମବଙ୍ଗରେ ବିପୁଳ ବିଜୟ ପରେ ଏବେ ମମତା ବିଜେପିକୁ ଖୋଲା ଚାଲେଞ୍ଜ ଦେବା ଆରମ୍ଭ କରିଛନ୍ତି । ଦଳକୁ ବଳୁଆ କରିବାକୁ ଅଣ୍ଟା ଭିଡ଼ିଛନ୍ତି । ଜାତୀୟସ୍ତରରେ ପ୍ରାର୍ଥୀ ଦେବାକୁ ମନ ବଳାଇଛନ୍ତି । ପ୍ରଥମେ ଦଳ ଗୋଆ ଓ ତ୍ରିପୁରାର ବିଧାନସଭାରେ ପ୍ରାର୍ଥୀ ଦେବାକୁ ମନସ୍ଥ କରିଛି । ଏଥିପାଇଁ ଫୁଲ୍ ଦମ୍ରେ ଲାଗି ପଡ଼ିଛନ୍ତି ଦିଦି । ତିନିଦିନିଆ ଗୋଆ ଗସ୍ତରେ ଅଛନ୍ତି ମମତା । ସେଠାରେ ଦଳର ସ୍ଥିତିକୁ ମଜଭୁତ୍ କରିବାକୁ ସମର୍ଥନ ଯୋଗାଡ଼ କରୁଛନ୍ତି । ଏହି କ୍ରମରେ କିଛି ପ୍ରମୁଖ ବ୍ୟକ୍ତି ବିଶେଷ ଦଳରେ ସାମିଲ ହୋଇଛନ୍ତି । ସେମାନଙ୍କ ମଧ୍ୟରେ ଚର୍ଚ୍ଚାରେ ରହିଛନ୍ତି ଅଭିନେତ୍ରୀ ନଫିସା ଅଲ୍ଲୀ । ଗୋଆରେ ମମତାଙ୍କ ଉପସ୍ଥିତିରେ ସେ ବିଧିବଦ୍ଧ ଭାବେ ଯୋଗ ଦେଇଛନ୍ତି । ଏହା ଅବସରରେ ମମତା କହିଛନ୍ତି, ନଫିସାଙ୍କ ଯୋଗଦାନ ଦଳର ସ୍ଥିତିକୁ ଆହୁରି ସୁଦୃଢ଼ କରିବ । ଟିଏମ୍ସି ଆଗାମୀ ଦିନରେ ନିଶ୍ଚିତ ଭାବେ ଗୋଆରେ ଭଲ ପ୍ରଦର୍ଶନ କରିବ । ସୂଚନାଯୋଗ୍ୟ, ୨୦୨୨ ବିଧାନସଭା ନିର୍ବାଚନରେ ଟିଏମ୍ସି ଗୋଆ ଓ ତ୍ରିପୁରାରେ ଲଢ଼ିବ ବୋଲି ପୂର୍ବରୁ ମମତା ଘୋଷଣା କରିଥିଲେ । ଆଉ ଏବେ ଏଥିପାଇଁ ନିଜର ଜୀ-ଜାନ୍ ଲଗାଇ ଦେଇଛନ୍ତି ।
Powered by Froala Editor
