୧୬ରୁ ଖୋଲିବ ସାବରିମାଲା ଆୟାପ୍ପା ସ୍ବାମୀ ମନ୍ଦିର
କେରଳର ପ୍ରସିଦ୍ଧ ତୀର୍ଥକ୍ଷେତ୍ର ସାବରିମାଲାରେ ଥିବା ଭଗବାନ ଆୟାପ୍ପା ସ୍ବାମୀ ମନ୍ଦିର ଆସନ୍ତା ୧୬ ତାରିଖ ଅପରାହ୍ଣରେ ଖୋଲିବ । ଶ୍ରଦ୍ଧାଳୁ ମାନେ ୧୭ ତାରିଖରୁ ୨୧ ତାରିଖ ପର୍ଯ୍ୟନ୍ତ ଦର୍ଶନ କରିପାରିବେ ବୋଲି ମନ୍ଦିର ପରିଚାଳନା ଦାୟିତ୍ୱରେ ଥିବା ଟ୍ରାଭାଙ୍କୋର ଦେବସ୍ୱମ ବୋର୍ଡ ପକ୍ଷରୁ ସୂଚନା ଦିଆଯାଇଛି । ବୋର୍ଡର ସୂଚନା ଅନୁସାରେ ପାରମ୍ପରିକ "ତୁଳା ମାସ" ପୂଜା ପାଇଁ ମନ୍ଦିର ଏହି ୬ ଦିନ ପାଇଁ ଖୋଲିବ ।
୧୬ ତାରିଖ ଅପରାହ୍ଣ ୫ଟାରେ ମନ୍ଦିର ଖୋଲିବାପରେ ବର୍ତ୍ତମାନର ମେଲଶାନ୍ତି ଭି.କେ.ଜୟରାଜ ପୋଟ୍ଟି ଶ୍ରୀବିଗ୍ରହଙ୍କ ଆଗରେ ପ୍ରଦୀପ ପ୍ରଜ୍ୱଳନ କରିବେ । ପରେ ମନ୍ଦିରର ୧୮ତମ ପାହାଚରେ ନିଆଁ ଜଳାଯିବ । ଏସବୁ କାର୍ଯ୍ୟ ଛଡ଼ା ମନ୍ଦିରରେ ସେଦିନ ଆଉ କୌଣସି ପୂଜା କରାଯିବ ନାହିଁ । ପରଦିନ ଅର୍ଥାତ ୧୭ ତାରିଖରେ ଲକି ଡ୍ର ମାଧ୍ୟମରେ ନୂଆ ମୁଖ୍ୟପୂଜକ ଚୟନ କରାଯିବ । ମନ୍ଦିର ଭିତରକୁ ପ୍ରବେଶ କରିବାକୁ ହେଲେ ଦୁଇଟି ଡୋଜ୍ କୋଭିଡ ଟିକା ନେବା ବାଧ୍ୟତାମୂଳକ କରାଯାଇଛି। ତେବେ ଅନଲାଇନ ବୁକିଂ କରିଥିବା ଶ୍ରଦ୍ଧାଳୁମାନେ ହିଁ ଦର୍ଶନ କରିପାରିବେ ।
Powered by Froala Editor
