କରୋନା ସଂକ୍ରମଣ କମୁଛି । ତଥାପି ତୃତୀୟ ଲହର ଭୟ ସମସ୍ତଙ୍କୁ ରହୁଛି । ଏପରି ସ୍ଥିତିରେ ବରିଷ୍ଠ ନାଗରିକଙ୍କ ପ୍ରତି ଅଧିକ ସଚେତନତା ଜରୁରି ହୋଇପଡିଛି । କାରଣ ସେମାନଙ୍କ ଶରୀରରେ ରୋଗ ପ୍ରତିରୋଧକ ଶକ୍ତ କମ୍ ଥାଏ । ଯାହାକି କୋଭିଡ ବିରୋଧରେ ଲଢେଇ କରିବାକୁ ସେମାନଙ୍କ ଶରୀରରେ ଶକ୍ତି ସଞ୍ଚୟ କରିପାରିନଥାଏ । ତେଣୁ ଏପରି ଲୋକଙ୍କ ପାଇଁ ତୃତୀୟ ବା ବୁଷ୍ଟର ଡୋଜ୍‌ର ଆବଶ୍ୟକତା ରହିଛି ବୋଲି ବିଶ୍ୱ ସ୍ୱାସ୍ଥ୍ୟ ସଂଗଠନର ବିଶେଷଜ୍ଞ କହିଛନ୍ତି ।

ଜାତିସଂଘ ସ୍ବାସ୍ଥ୍ୟ ସଂସ୍ଥାର ଟିକାକରଣ ସମ୍ପର୍କିତ ବିଶେଷଜ୍ଞମାନଙ୍କ ରଣନୈତିକ ଉପଦେଷ୍ଟା ମଣ୍ଡଳୀ (ଏସ୍‌ଏଜିଇ) ମଧ୍ୟ କହିଛି ଯେ, ଯେଉଁ ଷାଠିଏ ବର୍ଷରୁ ଅଧିକ ବୟସ୍କ ବ୍ୟକ୍ତିମାନେ ଚୀନ୍‌ର ସିନୋଭାକ୍ ବା ସିନୋଫାର୍ମ ଟିକାର ଦୁଇ ଡୋଜ୍ ନେଇଛନ୍ତି ବା ଜରୁରୀ ବ୍ୟବହାର ପାଇଁ ଅନୁମୋଦନ ମିଳିଥିବା ଅନ୍ୟ କୌଣସି ଟିକା ନେଇଛନ୍ତି ସେମାନେ ତୃତୀୟ ଡୋଜ୍ ନେବା ଆବଶ୍ୟକ। ଯେଉଁ ଦେଶଗୁଡ଼ିକ ଏହି ସୁପାରିସ କାର୍ଯ୍ୟକାରୀ କରିବାକୁ ଯାଉଛନ୍ତି, ସେମାନେ ତା’ ପୂର୍ବରୁ ଦେଶର ସଂଖ୍ୟାଧିକ ଲୋକଙ୍କୁ ଆଗେ ଦୁଇ ଡୋଜ୍ ଦେଇସାରିବା ଦରକାର। ତା’ପରେ ବରିଷ୍ଠ ନାଗରିକଙ୍କୁ ତୃତୀୟ ଡୋଜ୍ ଦେବା କଥା ଚିନ୍ତା କରିବେ।  ଏହା ଦ୍ୱାରା ବରିଷ୍ଠ ନାଗରିକଙ୍କ ପ୍ରତି ବିପଦ କମିବ ବୋଲି ଆଶା କରାଯାଉଛି ।

Powered by Froala Editor