ମେଡିସିନ୍ କ୍ଷେତ୍ରରେ ଚଳିତ ବର୍ଷ ଡେଭିଡ ଜୁଲିଅସ୍ ଓ ଆର୍ଡେମ ପାଟାପୋସିଆନ ପୁରସ୍କାର ପାଇବେ। ୨ ଆମେରିକୀୟ ଭେଷଜ ବିଜ୍ଞାନୀ ଏହି ପୁରସ୍କାର ପାଇବାରେ ଯୋଗ୍ୟ ବିବେଚିତ ହୋଇଛନ୍ତି। ଉଭୟେ ବଡି ଟେମ୍ପରେଚର ଓ ସ୍ପର୍ଶ ପାଇଁ ରେସ୍‌ପେଟର୍ସର ଆବିଷ୍କାର କରିଥିବାରୁ  ସେମାନଙ୍କୁ ନୋବେଲ ମିଳିବ। ଏହି ସମ୍ମାନଜନକ ପୁରସ୍କାର ବାବଦରେ ଗୋଟିଏ ସ୍ୱର୍ଣ୍ଣ ପଦକ ସହ ଏବଂ 10 ନିୟୁତ ସ୍ୱିଡେନ କ୍ରୋନୋର (1.14 ମିଲିୟନ ଡଲାରରୁ ଅଧିକ) ଆର୍ଥିକ ରାଶି ମିଳିବ।

ଡେଭିଡ୍ ଜୁଲିଅସ୍ କାଲିଫର୍ଣ୍ଣିଆ ବିଶ୍ୱବିଦ୍ୟାଳୟର ଜଣେ ପ୍ରଫେସର ହୋଇଥିବାବେଳେ ପାଟାପୋସିଆନ ହେଉଛନ୍ତି ଲା ଜୋଲାର ସ୍କ୍ରିପ୍ସ ପ୍ରତିଷ୍ଠାନର ଜଣେ ବୈଜ୍ଞାନିକ । ଉଲ୍ଲେଖନୀୟ ବିଷୟ ହେଉଛି, ତାପମାତ୍ରା, ଯନ୍ତ୍ରଣା ଏବଂ ଚାପ ଆମର ଇନ୍ଦ୍ରିୟର ଏକ ଅଂଶ ହୋଇଥିବାବେଳେ ଏହା ବିଷୟରେ ଅଧିକ ସୂଚନା ଉପଲବ୍ଧ ନାହିଁ । ଏହା ଉପରେ ଜୁଲିଅସ୍  ଏବଂ ପାଟାପୋସିଆନ ଅନୁସନ୍ଧାନ କରିଛନ୍ତି | ଯନ୍ତ୍ରଣା ଗ୍ରହଣକାରୀ ବା ରିସେପ୍ଟରସ ଚିହ୍ନଟ କରିବା ପରେ, ଅନେକ ପ୍ରକାରର ରୋଗ ଯୋଗୁଁ ହେଉଥିବା ଯନ୍ତ୍ରଣାକୁ ରୋକିହେବ ବୋଲି ବିଶ୍ୱାସ କରାଯାଉଛି ।  

ଯକୃତ ସମ୍ପର୍କିତ ହେପାଟାଇଟିସ୍ ସି ଭାଇରସ ଆବିଷ୍କାର କରିଥିବାରୁ ଗତ ବର୍ଷ ୩ ଜଣ ବୈଜ୍ଞାନିକଙ୍କୁ  ନୋବେଲ ପୁରସ୍କାର ମିଳିଥିଲା। 

Powered by Froala Editor