ଜାହାଜରେ ଡ୍ରଗ୍ସ ପାର୍ଟି : କିଙ୍ଗଖାନ୍ଙ୍କ ପୁଅକୁ ପଚରାଉଚରା କରୁଛି ଏନ୍ସିବି
ମୁମ୍ବାଇରେ ହାଇ ପ୍ରୋଫାଇଲ୍ ଡ୍ରଗ୍ସ ପାର୍ଟି ଉପରେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(NCB) ରେଡ୍ ହୋଇଛି । ଏହି ସମୟରେ କ୍ରୁଜ୍ ଜାହାଜରୁ ବହୁ ପରିମାଣର ବ୍ୟାନ୍ ହୋଇଥିବା ଗଞ୍ଜେଇ, କୋକେନ୍, ଏମ୍ଡି ଇତ୍ୟାଦି ଜବତ ହୋଇଛି । ଘଟଣାରେ ଏନ୍ସିବି ୧୦ ଜଣଙ୍କୁ ଅଟକ ରଖିଛି । ସେମାନଙ୍କ ମଧ୍ୟରେ ସୁପର୍ଷ୍ଟାର୍ ଶାହାରୁଖ୍ ଖାନଙ୍କ ପୁଅ ଆର୍ଯ୍ୟାନ୍ ମଧ୍ୟ ରହିଛନ୍ତି । ଘଟଣା ସହ ତାଙ୍କର କଣ ସମ୍ପୃକ୍ତି ରହିଛି ସେ ନେଇ ଖୋଳତାଡ଼ କରାଯାଉଛି । ଡ୍ରଗ୍ସ ପାର୍ଟି’ରେ ଯୋଗ ଦେବା ଲାଗି ଦିଲ୍ଲୀରୁ ଆସିଥିବା ତିନିଜଣ ଝିଅଙ୍କୁ ମଧ୍ୟ ଅଟକ ରଖାଯାଇ ପଚରାଉଚୁରା କରାଯାଉଛି। ସେମାନେ କେତେକ ପ୍ରମୁଖ ବ୍ୟବସାୟୀଙ୍କ ଝିଅ ବୋଲି ସୂଚନା ମିଳିଛି।
ସୂଚନା ମୁତାବକ, ଏହି ଜାହାଜ ମୁମ୍ବାଇରୁ ଗୋଆ ଯିବା ପାଇଁ ଯୋଜନା ଥିଲା । ଏକ ବିବୃତିରେ ‘ଏନ୍ସିବି’ କହିଛି, ‘କ୍ରୁଜ୍’ରୁ ‘ଏକ୍ଷ୍ଟେସି’, ‘କୋକେନ୍’, ‘ମେଫିଡ୍ରୋନ୍’ ଏବଂ ‘ଚରସ୍’ ଭଳି ମାଦକ ଦ୍ରବ୍ୟ ଜବତ କରାଯିବା ପରେ ଏକ ମାମଲା ରୁଜୁ କରାଯାଇଛି। ଦୁଇଜଣ ମହିଳାଙ୍କ ସମେତ ୮ଜଣଙ୍କୁ ଅଟକ ରଖି ‘ଏନ୍ସିବି’ ସେମାନଙ୍କର ଭୂମିକା ବିଷୟରେ ତଦନ୍ତ ଆରମ୍ଭ କରିଛି।
Powered by Froala Editor
