କଂଗ୍ରେସରେ ସାମିଲ ହେବେ କହ୍ନେୟା, ଜିଗ୍ନେଶ
ଜବାବାର ଲାଲ ନେହେରୁ ବିଶ୍ୱବିଦ୍ୟାଳୟର ପୂର୍ବତନ ଛାତ୍ର ନେତା କହ୍ନେୟା କୁମାର ଖୁବଶୀଘ୍ର କଂଗ୍ରେସରେ ସାମିଲ ହେବେ । ଏହା ବ୍ୟତୀତ ଗୁଜରାଟର ନିର୍ଦ୍ଦଳିୟ ବିଧାୟକ ଜିଗ୍ନେସ ମେୱାନି ବି କଂଗ୍ରେସରେ ସାମିଲ ହେବାକୁ ଯାଉଛନ୍ତି । ମିଳିଥିବା ସୂଚନା ଅନୁଯାୟୀ, କହ୍ନେୟା କୁମାର ୨୮ ସେପ୍ଟେମ୍ବରକୁ କଂଗ୍ରେସରେ ସାମିଲ ହେବେ ।
ଦଳ ବିହାର ବିଧାନସଭା ନିର୍ବାଚନ ବେଳେ କହ୍ନେୟା କୁମାରଙ୍କୁ ଅଫର ଦେଇଥିଲା। କିନ୍ତୁ ସେତେବେଳେ ସମ୍ଭବ ହୋଇପାରିନଥିଲା। ବିହାରରେ କଂଗ୍ରେସ ଖୁବ୍ଶୀଘ୍ର ତା’ର ନୂଆ ପ୍ରଦେଶ ଅଧ୍ୟକ୍ଷ ନାଁ ଘୋଷଣା କରିପାରେ। ଏଥିରେ କହ୍ନେୟା କୁମାରଙ୍କ ନାଁ ଘୋଷଣା ହୋଇପାରେ ବୋଲି ଚର୍ଚ୍ଚା ହେଉଛି।
ସୂତ୍ର ଅନୁସାରେ ଗତ କିଛି ଦିନ ହେବ କହ୍ନେୟା କୁମାର ଏବଂ ଜିଗ୍ନେଶ ମେୱାନି କଂଗ୍ରେସ ନେତୃତ୍ୱ ସମ୍ପର୍କରେ ଅଛନ୍ତି। ନିକଟରେ କହ୍ନେୟା କୁମାର ରାହୁଲ ଗାନ୍ଧିଙ୍କୁ ମଧ୍ୟ ଭେଟିଥିଲେ। ଜିଗ୍ନେସ ମେୱାନୀ କଂଗ୍ରେରେ ସାମିଲ ହେବାକୁ ନେଇ ଗୁଜରାଟ କଂଗ୍ରେସର କାର୍ଯ୍ୟକାରୀ ଅଧ୍ୟକ୍ଷ ହାର୍ଦ୍ଦିକ ପଟେଲ ଖୁସି ବ୍ୟକ୍ତ କରିଛନ୍ତି । ବିହାର ରାଜନୀତିରେ କହ୍ନେୟା କୁମାର ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବାକୁ ଚାହୁଁଛନ୍ତି।
Powered by Froala Editor
