ଡାହାଣୀ ସନ୍ଦେହ : ଜଙ୍ଗଲରେ ମହିଳାଙ୍କୁ ୭ ଦିନ ନଜର ବନ୍ଦୀ
ବାଲେଶ୍ଵର ଜିଲ୍ଲା ନୀଳଗିରି ଅଞ୍ଚଳରେ ଥିବା କୂଳଡିହା ଅଭୟାରଣ୍ୟରେ ଅଭାବନୀୟ ଘଟଣା ଘଟିଛି । ଡାହାଣୀ ସନ୍ଦେହରେ ୭ ଦିନ ଧରି ଜଣେ ଆଦିବାସୀ ମହିଳାଙ୍କୁ ଅଟକ ରଖାଯାଇଥିବାବେଳେ ପୋଲିସ ଖବର ପାଇ ମହିଳା ଜଣଙ୍କୁ ଉଦ୍ଧାର କରିଛି । ଘଟଣାକୁ ନେଇ ବରମପୁର ପୋଲିସ ଓ ମୟୂରଭଞ୍ଜ କପ୍ତିପଦା ପୋଲିସ ପାଖରେ ଖୋଜ ଖବର ନଥିଲା । ଆଗକୁ କୌଣସି ଅଘଟଣ ଘଟିବା ପୂର୍ବରୁ ନୀଳଗିରି ଏସଡିପିଓ ରିତେଶ କୁମାର ମହାପାତ୍ର ଘଟଣା ବିଷୟରେ ଖବର ପାଇ ବରମପୁର ପୋଲିସକୁ ତଦନ୍ତ ନିର୍ଦ୍ଦେଶ ଦେଇଥିଲେ। ପରେ ପୋଲିସ ସମ୍ପୁକ୍ତ ମହିଳାଙ୍କୁ ଯାଇ ଉଦ୍ଧାର କରିବା ସହ ଉଦଳା ସ୍ୱଧାର ଗୃହରେ ରଖିଥିବା ଜଣାପଡିଛି।
ସୂଚନା ଅନୁସାରେ, କୂଳଡିହା ଅଭୟାରଣ୍ୟ ଭିତରେ ଥିବା ଚେମଚଟା ଗାଁ ଭିତରେ ଲୋଧା ଶ୍ରେଣୀର ଲୋକେ ରୁହନ୍ତି। ସେହିଗ୍ରାମର କାନ୍ଦ୍ରା ଭକ୍ତାଙ୍କର ଦେଢ଼ ବର୍ଷର ଶିଶୁକନ୍ୟା ଜ୍ଵରରେ ପୀଡିତ ପରେ ତାଙ୍କୁ ଝଡାଫୁଙ୍କା କରିଥିଲେ । ଡାହାଣୀ ଲାଗିଥିବା ସନ୍ଦେହ କରି ପାଖ ଗାଁ ପଦ୍ମପୁର ଗାଁର ଜଣେ ଗୁଣିଆ ପାଖକୁ ଯାଇଥିଲେ । ହେଲେ ଶିଶୁ କନ୍ୟାଟିର ମୃତ୍ୟୁ ହୋଇଥିଲା। ଗୁଣିଆ ଜଣକ ସେହି ଗାଁର ତୁଳସୀ ନାଏକ ଗୁଣି କରିଥିବା କହିବା ପରେ ମୃତକଙ୍କ ପରିବାର ତାଙ୍କୁ ନଜର ବନ୍ଦୀ କରି ରଖିଥିଲେ।
Powered by Froala Editor
