ଭୁବନେଶ୍ବର : ବନ୍ୟାeରେ ବାଲେଶ୍ବର, ଭଦ୍ରକ, ଯାଜପୁର, କେନ୍ଦୁଝର, ମୟୂରଭଞ୍ଜ ଏବଂ କେନ୍ଦ୍ରାପଡ଼ା ଆଦି ୬ଟି ଜିଲାର ୧୨୬ ଗାଁ ଜଳବନ୍ଦୀ ରହିଛି। ଏସ୍‌ଆରସିଙ୍କ ରିପୋର୍ଟ ଅନୁସାରେ, ବନ୍ୟା ପ୍ରଭାବିତ ଏହି ୬ଜିଲାର ୬୬ଟି ବ୍ଲକ, ୪୪୮ଟି ପଞ୍ଚାୟତ, ୧୩୦୪ଟି ଗାଁ, ୧୦ଟି ସହରାଞ୍ଚଳର ୬୪ଟି ୱାର୍ଡରୁ ମୋଟ ୭,୮୫,୧୯୯ ଲୋକ ପ୍ରଭାବିତ ହୋଇଛନ୍ତି। ପ୍ରଭାବିତଙ୍କ ମଧ୍ୟରୁ ୨,୭୭,୬୫୫ଜଣଙ୍କୁ ନିରାପଦ ସ୍ଥାନକୁ ସ୍ଥାନାନ୍ତର କରାଯାଇଛି। ସେହିପରି, ୪୨,୨୧୬.୭ ହେକ୍ଟର୍‌ ଚାଷ ଜମି ପ୍ରଭାବିତ ହୋଇଛି। ବନ୍ୟାଞ୍ଚଳରେ ୯୪୧ଟି ଘର ଭାଙ୍ଗିଥିବା ବେଳେ ୫୩୧ଟି ରିଲିଫ୍‌ କ୍ୟାମ୍ପରେ ୨,୭୮,୧୮୮ଲୋକଙ୍କୁ ରନ୍ଧା ଖାଦ୍ୟ, ଚୁଡ଼ା, ଗୁଡ଼ ବଣ୍ଟନ କରାଯାଇଛି। ଉଦ୍ଧାର କାର୍ଯ୍ୟ ନିମନ୍ତେ ୩୯ ଓଡ୍ରାଫ୍‌, ୭ଏନ୍‌ଡିଆର୍‌ଏଫ୍‌ ଏବଂ ୫୩ଟି ଅଗ୍ନିଶମ ସେବା ବାହିନୀ ନିୟୋଜିତ ହୋଇଛନ୍ତି।

ଏହି ବନ୍ୟାରେ ବାଲେଶ୍ବର, ଯାଜପୁର, ଭଦ୍ରକ ଏବଂ କେନ୍ଦ୍ରାପଡ଼ା ଜିଲା ସର୍ବାଧିକ ପ୍ରଭାବିତ ହୋଇଛି। ବାଲେଶ୍ବର ଜିଲାର ୧୨ବ୍ଲକ ଭୋଗରାଇ, ବସ୍ତା, ଜଳେଶ୍ବର, ବାଲିଆପାଳ, ବାଲେଶ୍ବର ସଦର, ରେମୁଣା, ବାହାନଗା, ନୀଳଗିରି, ସିମୁଳିଆ, ଓଉପଦା, ଖଇରାରୁ ୯୭ ପଞ୍ଚାୟତର ୪୫୩ ଗାଁରେ ବନ୍ୟା ପ୍ରଭାବ ଦେଖିବାକୁ ମିଳିଛି। ୨ଟି ସହରାଞ୍ଚଳର ୧୯ଟି ୱାର୍ଡରୁ ୨,୦୩,୮୭୮ଲୋକ ପ୍ରଭାବିତ ହୋଇଛନ୍ତି। ଏବେ ବି ଜିଲାର ୬୦ଟି ଗାଁ ବନ୍ୟାଜଳ ଘେରରେ ଥିବାବେଳେ ୬୯ଟି ଘର ଭାଙ୍ଗିଛି। ବନ୍ୟା ବିପନ୍ନ ଅଞ୍ଚଳରେ ୧୬ହଜାର ହେକ୍ଟର ଚାଷଜମି ପ୍ରଭାବିତ ହେଲାଣି। ଜିଲା ପ୍ରଶାସନ ପକ୍ଷରୁ ୬୧,୪୧୮ଲୋକଙ୍କୁ ଉଚ୍ଚସ୍ଥାନକୁ ସ୍ଥାନାନ୍ତର କରାଯାଇଛି। ଜିଲାରେ ୧୨ଟି ଓଡ୍ରାଫ୍‌, ୫ ଅଗ୍ନିଶମ ଏବଂ ୪ଟି ଏନ୍‌ଡିଆର୍‌ଏଫ୍‌ ମୁତୟନ ହୋଇଛନ୍ତି। 

ଯାଜପୁର ଜିଲାର ୧୦ଟି ବ୍ଲକ ଦଶରଥପୁର, ବରୀ,ରସଲପୁର, ବିଞ୍ଝାରପୁର, ଯାଜପୁର, ଧର୍ମଶାଳା, ବଡଚଣା ଏବଂ କୋରେଇ ଆଦି ୧୦ଟି ବ୍ଲକର ୧୧୭ ପଞ୍ଚାୟତ, ୨୭୦ଗାଁ ବନ୍ୟାରେ ପ୍ରଭାବିତ ହୋଇଛି। ଗୋଟିଏ ସହରାଞ୍ଚଳର ୧୫ଟି ୱାର୍ଡ ବନ୍ୟାଜଳ ଘେରରେ ଆସିଛି। ଗ୍ରାମାଞ୍ଚଳ ଏବଂ ସହରାଞ୍ଚଳ ମିଶି ଜିଲାରୁ ୨,୦୨,୬୭୨ଲୋକ ପ୍ରଭାବିତ ହୋଇଛନ୍ତି। ଏବେ ବି ୮ଟି ଗାଁ ବନ୍ୟାପାଣି ଘେରରେ ରହିଥିବା ବେଳେ ୭୭,୬୮୦ ବନ୍ୟାବିପନ୍ନଙ୍କୁ ଉଚ୍ଚ ସ୍ଥାନକୁ ସ୍ଥାନାନ୍ତର କରାଯାଇଛି। ଜିଲାରୁ ୧୮,୬୪୨ ହେକ୍ଟର ଚାଷଜମି ପ୍ରଭାବିତ ହୋଇଛି।

ଭଦ୍ରକ ଜିଲାର ଭଣ୍ଡାରିପୋଖରୀ, ଧାମନଗର, ତିହିଡ଼ି, ଭଦ୍ରକ ଏବଂ ବାସୁଦେବପୁର ବ୍ଲକ ବନ୍ୟାରେ ପ୍ରଭାବିତ ହୋଇଛି। କିନ୍ତୁ ଏସ୍‌ଆରସିଙ୍କ ରିପୋର୍ଟ ଅନୁସାରେ, ଜିଲାର ୪ଟି ବ୍ଲକ, ୩୯ଟି ପଞ୍ଚାୟତ, ୧୩୪ଟି ଗାଁ, ଗୋଟିଏ ସହରାଞ୍ଚଳର ୪ଟି ୱାର୍ଡରୁ ୧,୯୬,୨୪୦ଲୋକ ପ୍ରଭାବିତ ହୋଇଛନ୍ତି। ୧୬୨୩ ହେକ୍ଟର ଚାଷଜମି ପ୍ରଭାବିତ ହୋଇଛି। ୧ ଲକ୍ଷ ୭ହଜାର ୭୭୩ ଲୋକଙ୍କୁ ଉଚ୍ଚସ୍ଥାନକୁ ସ୍ଥାନାନ୍ତର କରାଯାଇଛି। କେନ୍ଦୁଝର ଜିଲାର ୧୩ଟି ବ୍ଲକର ୭୮ଟି ପଞ୍ଚାୟତର ୧୮୭ଟି ଗାଁ ଏବଂ ୪ଟି ସହରାଞ୍ଚଳର ୭ଟି ୱାର୍ଡରୁ ୧୧,୯୫୩ ଜନସାଧାରଣ ପ୍ରଭାବିତ ହୋଇଛନ୍ତି। ଏବେ ବି ୧୪ଟି ଗାଁ ପାଣିଘେରରେ ଥିବା ବେଳେ ୩୬୭ଟି ଘର ଭାଙ୍ଗିଛି। ମୟୂରଭଞ୍ଜର ୨୨ଟି ବ୍ଲକର ୫୪ଟି ପଞ୍ଚାୟତର ୧୨୬ ଗାଁ ଏବଂ ଗୋଟିଏ ସହରାଞ୍ଚଳର ୮ଟି ୱାର୍ଡରୁ ୨୬,୭୪୧ଲୋକ ପ୍ରଭାବିତ ହୋଇଛନ୍ତି। 

Powered by Froala Editor