ଗାଧୋଉଥିବା ବେଳେ ଭାସିଗଲେ ଯୁବକ
ମୟୂରଭଞ୍ଜ : ନଦୀର ପ୍ରଖର ସୁଅରେ ଭାସିଗଲେ ଯୁବକ। ମୟୂରଭଞ୍ଜ ଜିଲ୍ଲା କପ୍ତିପଦା ଥାନା ଅଧୀନ ଗୋଡ଼ଗାଁ ଗ୍ରାମରେ ଗାଧୋଉଥିବା ବେଳେ ଭାସିଯାଇ ଜଣେ ଯୁବକ ନିଖୋଜ। ନିଖୋଜ ଯୁବକ ହେଲେ ଗ୍ରାମର ସିପୁନ ମଢେଇ। ସୂଚନା ଅନୁସାରେ, ସିପୁନ ନିଜ ଜଣେ ସାଙ୍ଗଙ୍କ ସହ କାଳ ନଦୀରେ ଗାଧୋଉଥିଲେ। ଏହି ସମୟରେ ଅଚାନକ ପ୍ରଖର ସୁଅ ଆସିବାରୁ ସିପୁନ ନଦୀରେ ବୁଡ଼ିଯାଇ ଭାସି ଯାଇଥିଲେ।
ଘଟଣା ସମ୍ପର୍କରେ ତୁରନ୍ତ କପ୍ତିପଦା ଅଗ୍ନିଶମ ବିଭାଗକୁ ଖବର ଦିଆଯାଇଥିଲା। ଅଗ୍ନିଶମ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ନଦୀରେ ସିପୁନଙ୍କୁ ଖୋଜାଖୋଜି ଜାରି ରଖିଛନ୍ତି। ନଦୀରେ ଭରା ପାଣି ଓ ପ୍ରଖର ସୁଅ ଯୋଗୁଁ ଉଦ୍ଧାର କାର୍ଯ୍ୟରେ ମଧ୍ୟ ସମସ୍ୟା ଉପୁଜୁଛି।
Powered by Froala Editor
