ଅସ୍ଥାୟୀ ଭାବେ ସ୍ଥଗିତ ହେଲା ଅମରନାଥ ଯାତ୍ରା ଏବଂ ମାତା ବୈଷ୍ଣୋ ଦେବୀ ଯାତ୍ରା
ନୂଆଦିଲ୍ଲୀ: ଆଜିଠାରୁ ଉଭୟ ଅମରନାଥ ଯାତ୍ରା ଏବଂ ମାତା ବୈଷ୍ଣୋ ଦେବୀ ଯାତ୍ରାକୁ ଅସ୍ଥାୟୀ ଭାବେ ସ୍ଥଗିତ ରଖାଯାଇଛି। ଜମ୍ମୁ-କାଶ୍ମୀର ପ୍ରଶାସନ ଭାରତୀୟ ପାଣିପାଗ ବିଭାଗର ପ୍ରତିକୂଳ ପାଣିପାଗ ପୂର୍ବାନୁମାନକୁ ଦୃଷ୍ଟିରେ ରଖି ଏଭଳି ଘୋଷଣା କରିଛି।
କାଶ୍ମୀର ଡିଭିଜନାଲ କମିଶନର ଅଂଶୁଲ ଗର୍ଗ ଏକ ବିବୃତିରେ କହିଛନ୍ତି, ଜୁଲାଇ ୧୯ରୁ ପହଲଗାମ୍ ଏବଂ ବାଲଟାଲ୍ ଉଭୟ ରୁଟରୁ ଅମରନାଥ ଯାତ୍ରା ସ୍ଥଗିତ ରହିବ ।
ପାଣିପାଗ ବିଭାଗ ଦ୍ୱାରା ଜାରି କରାଯାଇଥିବା ପ୍ରତିକୂଳ ପାଣିପାଗ ପୂର୍ବାନୁମାନକୁ ଦୃଷ୍ଟିରେ ରଖି ତୀର୍ଥଯାତ୍ରୀମାନଙ୍କ ସୁରକ୍ଷାକୁ ସୁନିଶ୍ଚିତ ପାଇଁ ଶ୍ରୀ ଅମରନାଥଜୀ ଯାତ୍ରା ଜୁଲାଇ ୧୯ରୁ ପହଲଗାମ୍ ଏବଂ ବାଲଟାଲ୍ ଉଭୟ ରୁଟରୁ ଅସ୍ଥାୟୀ ଭାବେ ସ୍ଥଗିତ ରହିବ । କାଶ୍ମୀରର ବାଲଟାଲ୍ ଏବଂ ନୁନୱାନ/ଚନ୍ଦନୱାଡ଼ି ବେସ୍ କ୍ୟାମ୍ପରୁ ତୀର୍ଥଯାତ୍ରୀମାନଙ୍କୁ ଆଗକୁ ବଢ଼ିବାକୁ ଅନୁମତି ଦିଆଯିବ ନାହିଁ । ଜମ୍ମୁରେ ଅମରନାଥ ତୀର୍ଥଯାତ୍ରୀମାନଙ୍କୁ ନେଇ ଯାଉଥିବା କୌଣସି କନଭୟକୁ ଭଗବତୀ ନଗର ଯାତ୍ରୀ ନିବାସରୁ ଉଭୟ ବେସ୍ କ୍ୟାମ୍ପ ଅଭିମୁଖେ ଯିବାକୁ ଅନୁମତି ମିଳିବ ନାହିଁ।
Powered by Froala Editor
