ଟ୍ରାଫିକ୍ ନିୟମ ଉଲ୍ଲଘଂନକାରୀଙ୍କ ବିରୋଧରେ ୨୧ ଲକ୍ଷରୁ ଅଧିକ ଜୋରିମାନା ଆଦାୟ
ଭୁବନେଶ୍ବର : ପରିବହନ ବିଭାଗ ଗତ ତିନି ଦିନ ମଧ୍ୟରେ ଟ୍ରାଫିକ୍ ନିୟମ ଉଲ୍ଲଘଂନକାରୀଙ୍କ ବିରୋଧରେ ୪୬୧୧ ଟି ଇ-ଚାଲାଣ ଜାରି କରିବା ସହ ୨୧ ଲକ୍ଷରୁ ଅଧିକ ଟଙ୍କାର ଜୋରିମାନା ଆଦାୟ କରିଛି। ପରିବହନ ଆୟୁକ୍ତଙ୍କ କାର୍ଯ୍ୟାଳୟ ପକ୍ଷରୁ ଜାରି ସୂଚନା ଅନୁସାରେ ଦ୍ରୁତଗତିରେ ଗାଡ଼ି ଚଲାଇବା ଯୋଗୁଁ ୧୨୮୯ଟି ଏବଂ ବିନା ହେଲମେଟ୍ରେ ଗାଡ଼ି ଚାଳନା ଯୋଗୁଁ ୧୨୧୯ଟି ଚାଲାଣ କଟାଯାଇଛି। ସେହିପରି ମଦ୍ୟପାନ କରି ଗାଡ଼ି ଚଳାଇବା ଯୋଗୁଁ ୧୯୫ଟି ଚାଲାଣ ଏବଂ ବେଆଇନ ପାର୍କିଂ ପାଇଁ ୧୪୬ଟି ଚାଲାଣ ଜାରି ହୋଇଛି। କଟକ ଆରଟିଓ ୩୪୯ଟି ଚାଲାଣ ଜାରି କରିଥିବା ବେଳେ ଭୁବନେଶ୍ୱର-୧ ୩୩୩ଟି, ବାଲେଶ୍ୱର ୨୯୮ଟି,
ଝାରସୁଗୁଡ଼ା ୨୯୩ଟି ଏବଂ ପୁରୀ ଆରଟିଓ ୧୪୯ଟି ଚାଲାଣ ଜାରି କରିଛି। ସେହିପରି ଖୋରଧା ଏଆରଟିଓ ଜୋରିମାନା ବାବଦରେ ୭. ୮୬ ଲକ୍ଷ ଟଙ୍କା ସଂଗ୍ରହ କରିଥିବା ବେଳେ ପୁରୀ ଆରଟିଓ ୩.୨୦ ଲକ୍ଷ ଟଙ୍କା, ବୌଦ୍ଧ ଆରଟିଓ ୨.୨୩ ଲକ୍ଷ ଟଙ୍କା, ଝାରସୁଗୁଡ଼ା ଆରଟିଓ ୧.୯୪ ଲକ୍ଷ ଟଙ୍କା ଏବଂ ଭୁବନେଶ୍ୱର-୧ ଆରଟିଓ ୧.୫୩ ଲକ୍ଷ ଟଙ୍କା ଜରିମାନା ଆଦାୟ କରିଛନ୍ତି।
Powered by Froala Editor
