କଟକ: ପତ୍ନୀ ବର୍ଷାଙ୍କୁ ଛାଡ଼ପତ୍ର ପ୍ରସଙ୍ଗ ନେଇ କଟକ ପରିବାର ଅଦାଲତରେ ବିଚାରଧୀନ ମାମଲାର ନିର୍ଦ୍ଧାରିତ ସମୟସୀମା ଭିତରେ ଶୁଣାଣୀ ପାଇଁ ସାଂସଦ ତଥା ଅଭିନେତା ଅନୁଭବ ମହାନ୍ତି ଦାୟର କରିଥିବା ମାମଲାର ହାଇକୋର୍ଟରେ ପ୍ରାରମ୍ଭିକ ଶୁଣାଣି ହୋଇଛି । ମାମଲାରେ ବର୍ଷାଙ୍କ ପକ୍ଷରୁ ଆଇନଜୀବୀ ଭିଡିଓ କନଫରେନ୍ସିଂ ବ୍ୟବସ୍ଥାରେ ଉପସ୍ଥିତ ରହି ତାଙ୍କୁ ଆବେଦନର କପି ଦେବାକୁ ଅନୁରୋଧ କରିଥିଲେ । ଅନୁଭବ ଦାୟର କରିଥିବା ଆବେଦନର କପି ବର୍ଷା ପି୍ରୟଦର୍ଶିନୀଙ୍କୁ ଦେବା ପାଇଁ ହାଇକୋର୍ଟ ନିଦେ୍ର୍ଧଶ ଦେବା ସହିତ ମାମଲାର ପରବର୍ତ୍ତୀ ଶୁଣାଣି ଆସନ୍ତା ସପ୍ତାହକୁ ଧାର୍ଯ୍ୟ କରିଛନ୍ତି । ଜଷ୍ଟିସ ଡକ୍ଟର ବିଆର ଷଡଙ୍ଗୀଙ୍କୁ ନେଇ ଗଠିତ ଖଣ୍ଡପୀଠ ଅନୁଭବଙ୍କ ଆବେଦନର ଶୁଣାଣି କରି ଏପରି ନିଦେ୍ର୍ଧଶ ଦେଇଛନ୍ତି । ମାମଲାର ବିବରଣୀରୁ ପ୍ରକାଶ ଯେ ପରିବାର ଅଦାଲତରେ ବିଚାରଧୀନ ତାଙ୍କ ଛାଡ଼ପତ୍ର ଆବେଦନର ଶୁଣାଣି ନିର୍ଦ୍ଧାରିତ ସମୟ ସୀମା ଭିତରେ ଶେଷ କରିବାକୁ ନିଦେ୍ର୍ଧଶକ ଲୋଡ଼ି ଅନୁଭବ ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି । ୬ ମାସ ଭିତରେ ଛାଡ଼ପତ୍ର ଆପେଦନର ଶୁଣାଣି ଶେଷ କରିବାକୁ ନିଦେ୍ର୍ଧଶ ଦିଆଯାଉ ବୋଲି ଅନୁଭବଙ୍କ ଆବେଦନରେ ଦର୍ଶାଯାଇଛି । ମାମଲାରେ ବର୍ଷା ପି୍ରୟଦର୍ଶିନୀ ଓ କଟକ ପରିବାର ଅଦାଲତଙ୍କୁ ପକ୍ଷଭୁକ୍ତ କରାଯାଇଛି ।

Powered by Froala Editor