ଅକ୍ଟୋବର ୩ରେ ଜେଇଇ ଆଡଭାନ୍ସଡ
ଭୁବନେଶ୍ୱର : ଆଇଆଇଟିଗୁଡ଼ିକରେ ନାମଲେଖା ଲାଗି ଅକ୍ଟୋବର ୩ରେ ଜେଇଇ ଆଡଭାନ୍ସଡ ଅନୁଷ୍ଠିତ ହେବ । କୋଭିଡ-୧୯ ଗାଇଡଲାଇନ ଅନୁଯାୟୀ ପରୀକ୍ଷା ପରିଚାଳନା କରାଯିବ ବୋଲି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟୁଇଟ୍ କରି ଘୋଷଣା କରିଛନ୍ତି । ସୂଚନାଯୋଗ୍ୟ ଯେ ଜେଇଇ ମେନରେ ଶ୍ରେଷ୍ଠତ୍ୱ ପ୍ରତିପାଦନ କରିଥିବା ଦୁଇ ଲକ୍ଷ ୪୦ ହଜାର ଛାତ୍ରଛାତ୍ରୀ ଜେଇଇ ଆଡଭାନ୍ସଡ ଦେବା ଲାଗି ଯୋଗ୍ୟ ବିବେଚିତ ହୋଇଥାନ୍ତି । ଏଥର ୪ଟି ପର୍ଯ୍ୟାୟରେ ଜେଇଇ ମେନ ଅନୁଷ୍ଠିତ ହେଉଛି । ବର୍ତମାନ ସମୟରେ ତୃତୀୟ ପର୍ଯ୍ୟାୟ ଜେଇଇ ମେନ ଅନୁଷ୍ଠିତ ହେଉଥିବା ବେଳେ ଅଗଷ୍ଟ ଓ ସେପ୍ଟେମ୍ବରରେ ଚୂଡ଼ାନ୍ତ ତଥା ଚତୁର୍ଥ ପର୍ଯ୍ୟାୟ ଜେଇଇ ମେନ ହେବ । ୪ଟି ପର୍ଯ୍ୟାୟର ଜେଇଇ ମେନର କୃତୀ ଛାତ୍ରଛାତ୍ରୀଙ୍କ ର୍ୟାଙ୍କକୁ ଆଧାର କରି ଚୂଡ଼ାନ୍ତ ତାଲିକା ପ୍ରକାଶ ପାଇବ । ସେଥିମଧ୍ୟରୁ ୨ ଲକ୍ଷ ୪୦ ହଜାର ଛାତ୍ରଛାତ୍ରୀ ଜେଇଇ ଆଡଭାନ୍ସଡ ଲାଗି ଯୋଗ୍ୟ ବିବେଚିତ ହେବେ ।
Powered by Froala Editor
