ଭୁବନେଶ୍ୱର: ପାରଳାଖେମୁଣ୍ଡି ଏସିଏଫଓ ସୌମ୍ୟରଞ୍ଜନ ମହାପାତ୍ରଙ୍କ ମୃତୁ୍ୟ ଏବେ ରହସ୍ୟଘେରରେ ରହିଛି । ମୃତୁ୍ୟ ପଛର ପ୍ରକୃତ କାରଣ ଖୋଜିବାକୁ ପୁଲିସ ତଦନ୍ତକୁ ଜୋରଦାର କରିଛି । ତେବେ  ଏହାରି ଭିତରେ  ଦକ୍ଷିଣାଞ୍ଚଳ ଡିଆଜି ସତ୍ୟବ୍ରତ ଭୋଇ ପାରଳାଖେମୁଣ୍ଡିରେ ପହଞ୍ଚିଛନ୍ତି ।  ଗଜପତି ଏସପି ଓ କ୍ରାଇମବ୍ରାଞ୍ଚ ଅଧିକାରୀଙ୍କ ସହ ଡିଆଇଜି ଶ୍ରୀ ଭୋଇ ବୈଠକ କରିବା ପରେ ମୃତ ସୌମ୍ୟଙ୍କ ସରକାରୀ ବାସଭବନରେ ପହଞ୍ଚିଛନ୍ତି ।  ସେଠାରେ ସେ ସରଜମିନ ତଦନ୍ତ କରୁଥିବା ଜଣାଯାଇଛି ।  ଆଜି ସକାଳେ କ୍ରାଇମବ୍ରାଞ୍ଚ ଟିମ  ଉକ୍ତ ବାସଭବନରେ ଛାନଭିନ କରିଥିଲା ।  ଛାନଭିନ କରି ଡିଆଇଜିଙ୍କୁ ସମ୍ପୂର୍ଣ୍ଣ ବିବରଣୀ ଦେଇଥିଲା କ୍ରାଇମବ୍ରାଞ୍ଚ ଟିମ । ପୁଲିସ ଓ କ୍ରାଇମବ୍ରାଞ୍ଚ  ସୌମ୍ୟଙ୍କ ସରକାରୀ ବାସଭବନରେ ଯାଞ୍ଚ  କରିବା ପରେ କ୍ରାଇମବ୍ରାଞ୍ଚ ଡିଏସପି ବିଜୟ କୁମାର ମଲ୍ଲିକ କହିଥିଲେ ଯେ, ଘଟଣା ଘର ଭିତରେ ହିଁ ଘଟିଥିବା ଜଣାପଡ଼ିଛି ।  କ୍ୱାର୍ଟର୍ସ ପଛପଟ କବାଟ ପୋଡ଼ିଯାଇଛି ।  ତେବେ ମଶାରୀରେ ନିଆଁ ଲାଗିଛି ।  ପାରିପାଶ୍ୱିର୍କ ସ୍ଥିତି ଯାହା ଜଣାପଡ଼ିଛି, ଘର ଭିତରେ ହିଁ ଘଟଣା ଘଟିଛି ।  ସମସ୍ତଙ୍କ କଲ ଡିଟେଲ୍ସ ଯାଞ୍ଚ ଚାଲିଛି ବୋଲି କ୍ରାଇମବ୍ରାଞ୍ଚ ଡିଏସପି ବିଜୟ କୁମାର ମଲ୍ଲିକ  କହିଥିଲେ ।

ଏପରିକି ଡିଆଇଜି ଶ୍ରୀ ଭୋଇ କହିଥିଲେ ଯେ, ପରିବାରର ଅଭିଯୋଗ ଆଧାରରେ ତଦନ୍ତ ଚାଲିଛି ।  ଯେଉଁମାନଙ୍କ ନାମରେ ଅଭିଯୋଗ ଅଛି ସମସ୍ତେ ତଦନ୍ତ ପରିସରଭୁକ୍ତ ।  ଅଭିଯୋଗ ଆସିଥିବା ସମସ୍ତଙ୍କୁ ଜେରା କରାଯିବ ।  ବିଭିନ୍ନ ଦିଗକୁ ବିଚାର କରି ତଦନ୍ତ କରାଯାଉଛି ବୋଲି ଡିଆଇଜି କହିଥିଲେ । 

Powered by Froala Editor