ଜମ୍ମୁ ଓ ସାମ୍ବାରେ ପୁଣି ଉଡ଼ିଲା ୪ଟି ସଂଦିଗ୍ଧ ଡ୍ରୋନ
![ଜମ୍ମୁ ଓ ସାମ୍ବାରେ ପୁଣି ଉଡ଼ିଲା ୪ଟି ସଂଦିଗ୍ଧ ଡ୍ରୋନ](https://odishanewslens.com/news_gallery/3903_1626456384.jpg)
ଶୁକ୍ରବାର ଜମ୍ମୁ ଓ ସାମ୍ବା ଆଦି ଅଞ୍ଚଳରେ ଉଡ଼ୁଥିବା ୪ଟି ସଂଦିଗ୍ଧ ଡ୍ରୋନକୁ ପୁଣି ସୁରକ୍ଷା ବାହିନୀ ପକ୍ଷରୁ ଠାବ କରାଯାଇଛି । ଗତକାଲି ଜମ୍ମୁ ବାୟୁସେନା ଘାଟି ଉପରେ ଉଡ଼ୁଥିବା ଏକ ଡ୍ରୋନକୁ ସୁରକ୍ଷାବାହିନୀ ଗୁଳି କରି ଖସାଇବା ପରେ ଆଜି ଏହି ଘଟଣା ସୁରକ୍ଷାବାହିନୀର ଚିନ୍ତା ବଢାଇଦେଇଛି । ସୁରକ୍ଷାବାହିନୀ ପକ୍ଷରୁ ସର୍ଚ୍ଚ ଅପରେସନ୍ ଜାରି ରହିଛି ।
କିଛି ଦିନ ହେବ ପାକିସ୍ତାନ ସଲଗ୍ନ ସୀମାରେ ଲଗାତର ଡ୍ରୋନ୍ ମୁଭମେଣ୍ଟ ଦେଖିବାକୁ ମିଳୁଛି । ବୁଧବାର ବିଳମ୍ବିତ ରାତିରେ ପଲ୍ଲନୱାକା ସେକ୍ଟରରେ ଏହି ଡ୍ରୋନ୍ ଉଡୁଥିବା ଦେଖିବାକୁ ମିଳିଥିଲା। ଗୁୁରୁବାର ଦିନ ଏଲ୍ଓସି ନିକଟସ୍ଥ ଭାରତୀୟ ସୀମାରେ ଏକ ପାକିସ୍ତାନୀ ଡ୍ରୋନ୍ ପଶିବାକୁ ଉଦ୍ୟମ କରୁଥିବା ଦେଖିବାକୁ ମିଳିଥିଲା । ଏହାପରେ ସେନା ପକ୍ଷରୁ ତା’ ଉପରକୁ ଗୁଳିମାଡ କରାଯାଇଥିଲା । ଶୁକ୍ରବାର ପୁଣି ରାତି ୮ଟା ୧୦ ମିନିଟ୍ରେ ମୀରସାହବରେ, ୮ଟା ୩୦ରେ ନନ୍ଦପୁରରେ, ୮ଟା ୪୦ରେ ହୀରା ନଗରରେ ଏବଂ ୯ଟାରେ ଜାମ୍ମୁର ସତବାରୀରେ ଉଡ଼ୁଥିବା ଦେଖାଯାଇଥିଲା । ତେବେ ବାୟୁସେନାର କିଲର ଡ୍ରୋନ ସିଷ୍ଟମର ଉପଯୋଗରେ ଡ୍ରୋନଗୁଡିକ ଉପରେ ନଜର ରଖାଯାଇ ସେଗୁଡ଼ିକୁ ଅଚଳ ଓ ନଷ୍ଟ କରିଦିଆଯାଉଛି ।
Powered by Froala Editor