କପିଲଙ୍କ କାଫେ ଉପରେ ଗୁଳିମାଡ ଘଟଣାରେ ଆସିଲା ବଡ ଖବର, ଜାଣନ୍ତୁ କ’ଣ ?
ନୂଆଦିଲ୍ଲୀ : ହାସ୍ୟ ଅଭିନେତା କପିଲ୍ ଶର୍ମାଙ୍କ କାନାଡା ସ୍ଥିତ ରେସ୍ତୋରାଁ କପସ୍ କାଫେ ଉପରେ ୨ ଥର ଗୁଳିମାଡ ହୋଇ ସାରିଛି । ଏହି ମାମଲାରେ ସାମ୍ନାକୁ ଏକ ବଡ ଖବର ଆସିଛି । ମିଳିଥିବା ସୂଚନାନୁଯାୟୀ, କାଫେ ଉପରେ ଗୁଳିମାଡ ଲରେନ୍ସ ବିଷ୍ଣୋଇ ଗ୍ୟାଙ୍ଗ ପକ୍ଷରୁ କରାଯାଇଛି।
ଲରେନ୍ସ ଗ୍ରୁପର ଗ୍ୟାଙ୍ଗଷ୍ଟର ହେରୀ ବକ୍ସରର ଏକ ଅଡିଓ ମଧ୍ୟ ସାମ୍ନାକୁ ଆସିଛି । ଯେଉଁଥିରେ ଦାବି କରାଯାଇଛି ଯେ, ହାସ୍ୟ ଅଭିନେତା କପିଲ ସଲମାନ୍ଙ୍କୁ ନେଟ୍ଫ୍ଲିକ୍ସ ଶୋ ‘ଦ ଗ୍ରେଟ୍ ଇଣ୍ଡିଆନ୍ କପିଲ୍ ଶୋ’ ସିଜନ୍ ୨ର ପ୍ରଥମ ଏପିସୋଡ୍କୁ ନିମନ୍ତ୍ରଣ କରିଥିଲେ । କପିଲ୍ଙ୍କର ସଲମାନ୍ଙ୍କୁ ଅତିଥି ଭାବେ ନିଜ ଶୋ’କୁ ଡକାଇବା ଲରେନ୍ସ ଗ୍ୟାଙ୍ଗଙ୍କୁ ନାପସନ୍ଦ ହୋଇଛି । ଏହାର ପ୍ରତିଶୋଧ ନେବା ପାଇଁ ତାଙ୍କ ପକ୍ଷରୁ କପିଲ୍ଙ୍କ କାଫେ ଉପକରୁ ଗୁଳିମାଡ କରାଯାଇଛି । ଅଡିଓରେ ଧମକ ଦିଆଯାଇ କୁହାଯାଇଛି, ‘ଯିଏ ସଲ୍ମାନ୍ଙ୍କ ସହ କାମ କରିବ ସେ ମରିବ’ ।
Powered by Froala Editor
