ମୋଦିଙ୍କ ସୁରକ୍ଷାରେ ପ୍ରଥମ ମହିଳା ଏସ୍ପିଜି ଅଫିସର୍
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସୁରକ୍ଷା ଦାୟିତ୍ୱରେ ବଡ଼ ବଡ଼ ଅଧିକାରୀ ନିୟୋଜିତ ଅଛନ୍ତି । କଡ଼ା ସୁରକ୍ଷା ବଳୟରେ ଘେରି ରହୁଛନ୍ତି ମୋଦି । ତେବେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି ଜଣେ ମହିଳ । ବ୍ରିଟେନ୍ ଗସ୍ତର ଏକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଯେଉଁଠି ମୋଦିଙ୍କ ସହ ତାଙ୍କ ସୁରକ୍ଷାରେ କଳା ୟୁନିଫର୍ମ ପିନ୍ଧିଥିବା ଜଣେ ମହିଳା ଅଧିକାରୀ ଅଛନ୍ତି । ସେ ହେଉଛନ୍ତି ଏସ୍ପିଜି ଅଦାସୋ କପେସା । ଅଦାସୋ ପ୍ରଧାନମନ୍ତ୍ରୀଙ୍କ ସୁରକ୍ଷାରେ ମୁତୟନ ହୋଇଥିବା ପ୍ରଥମ ମହିଳା ଏସ୍ପିଜି ।
ଇଣ୍ଟର୍ନେଟ୍ରେ ଅଦାସୋଙ୍କ ଫଟୋ ଭାଇରାଲ ହେବା ପରେ ସୋସିଆଲ ମିଡିଆ ୟୁଜର୍ ତାଙ୍କୁ ଖୁବ୍ ପ୍ରଶଂସା କରୁଛନ୍ତି । ତାଙ୍କୁ ଶକ୍ତିର ପ୍ରତୀକ ଓ ଶକ୍ତିଶାଳୀ ପ୍ରେରଣା ଭାବେ ସମ୍ବୋଧନ କରୁଛନ୍ତି । ଖାସ୍କରି ମହିଳାଙ୍କ ପାଇଁ ସେ ରୋଲ୍ ମଡେଲ ପାଲଟିଛନ୍ତି । ତାଙ୍କ ଉପଲବ୍ଧି ଏକ ଶକ୍ତିଶାଳୀ ସଙ୍କେତ ଦେଇଛି- ‘ମହିଳା ସବୁଠି ବିଦ୍ୟମାନ ବୋଲି କୁହାଯାଉଛି ।’
ଏସ୍ପିଜି ଅର୍ଥାତ୍ ସ୍ପେସାଲ ପ୍ରୋଟେକ୍ସନ୍ ଗ୍ରୁପ୍ । ଭାରତର ପ୍ରଧାନମନ୍ତ୍ରୀ ଏବଂ କିଛି ସ୍ୱତନ୍ତ୍ର ପରିସ୍ଥିତିରେ ପୂର୍ବ ପ୍ରଧାନମନ୍ତ୍ରୀ ଓ ତାଙ୍କ ପରିବାର ସଦସ୍ୟଙ୍କ ସୁରକ୍ଷା ପାଇଁ ଏହା ମୁତୟନ ହୋଇଥାଏ । ଏହା ଏକ ଉଚ୍ଚ ଯୋଗ୍ୟତାସମ୍ପନ୍ନ ଓ ତାଲିମପ୍ରାପ୍ତ ୟୁନିଟ୍ । ମଣିପୁରର ସେନାପତି ଜିଲ୍ଲାର କ୍ୟାବି ଗାଁରେ ଜନ୍ମିତ ଅଦାସୋ ସ୍ଥାନୀୟ ସ୍କୁଲରେ ଅଧ୍ୟୟନ କରିଥିଲେ । ଗୃହ ମନ୍ତ୍ରଣାଳୟ ଅଧୀନରେ ପରିଚାଳିତ କେନ୍ଦ୍ରୀୟ ସଶସ୍ତ୍ର ପୁଲିସ ବାହିନୀର ସଶସ୍ତ୍ର ସୀମା ବଳ (ଏସ୍ଏସ୍ବି)ରେ ସେ କ୍ୟାରିଅର୍ ଆରମ୍ଭ କରିଥିଲେ । ବର୍ତ୍ତମାନ ସେ ଉତ୍ତରାଖଣ୍ଡ, ପିଥୋରାଗଡ଼ରେ ୫୫ତମ ବାଟାଲିୟନ୍ରେ ମୁତୟନ ଅଛନ୍ତି । ଅଦାସୋ ଏବେ ଏସ୍ପିଜିରେ ଡେପ୍ୟୁଟେସନ୍ରେ ସେବା ପ୍ରଦାନ କରୁଛନ୍ତି ।
Powered by Froala Editor
