ଅଭାବ ନା ଆଉ କିଛି ! ବିଷ ପିଇ ଜୀବନ ହାରିଦେଲେ ପରିବାରର ୫ ଜଣ
ଗୁଜୁରାଟର ଅହମ୍ମଦାବାଦର ବଗୋଦରା ଗାଁରେ ବିଷ ପିଇ ଜୀବନ ହାରିଛନ୍ତି ପରିବାରର ୫ ଜଣ। ପରିବାରରେ ସ୍ୱାମୀ-ସ୍ତ୍ରୀ, ଦୁଇ ଝିଅ ଏବଂ ଗୋଟିଏ ପୁଅ ଥିଲେ। ମୃତ ପରିବାର ମୂଳତଃ ଢୋଲକାର ବାସିନ୍ଦା । ସେମାନେ ଗୁଜରାଟର ଅହମଦାବାଦ ଜିଲ୍ଲାର ବଗୋଦରା ଗାଁରେ ଏକ ଭଡା ଘରେ ରହୁଥିଲେ।
ମୃତକଙ୍କ ନାମ ବିପୁଲ କାଞ୍ଜି ଭାଘେଲା (୩୪), ତାଙ୍କ ସ୍ତ୍ରୀ ସୋନାଲ (୨୬), ସେମାନଙ୍କର ଦୁଇ ଝିଅ (୧୧ ଏବଂ ୦୫ ବର୍ଷ) ଏବଂ ଗୋଟିଏ ପୁଅ (୮) ବୋଲି ଚିହ୍ନଟ କରାଯାଇଛି। ଅଧିକାରୀମାନେ ଆହୁରି କହିଛନ୍ତି ଯେ ଆତ୍ମହତ୍ୟାର କାରଣ ଅସ୍ପଷ୍ଟ। ଏହି ପରିବାର ବିଷ ପିଇ ଆତ୍ମହତ୍ୟା କରିଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ବିପୁଲ ଜଣେ ରିକ୍ସା ଚାଳକ ଥିଲେ। ଘଟଣାସ୍ଥଳରେ ସମସ୍ତଙ୍କର ମୃତ୍ୟୁ ହୋଇଥିଲା।
ପାଞ୍ଚ ଜଣ ମୃତକଙ୍କ ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଛି। ତଥାପି, ପ୍ରାରମ୍ଭିକ ତଦନ୍ତରେ ଏହା ସାମ୍ନାକୁ ଆସୁଛି ଯେ ପରିବାର ଆର୍ଥିକ ସଙ୍କଟ ସହିତ ସଂଘର୍ଷ କରୁଥିଲା। ପରିବାର ସଦସ୍ୟଙ୍କ ମୋବାଇଲ୍ ଫୋନ୍ ମଧ୍ୟ ଦୁଇ ଦିନ ଧରି ବନ୍ଦ ଥିଲା।
Powered by Froala Editor
