ପୋଷା କୁକୁରଙ୍କ ପାଇଁ କିଛି ନିୟମ
କୁକୁର ପାଳିବା ବର୍ତ୍ତମାନ ସମୟରେ ଲୋକଙ୍କ ସଉକ ପାଲଟିଛି । ଅନେକ ଲୋକ ପାଳିଥିବା କୁକୁରଙ୍କୁ ସେମାନଙ୍କ ଘରର ସଦସ୍ୟ ବୋଲି କୁହନ୍ତି । ଘରେ ପାଳିବା ସହିତ ସେମାନଙ୍କ ସହ ଶୁଆ, ବସା ଉଠା ଏମିତିରେ ମିଶି ଖାଉଥିବାର ଅନେକ ସମୟରେ ଦେଖିବାକୁ ମିଳିଛି । କୁକୁର, ବିଲେଇଠାରୁ ଆରମ୍ଭ କରି ପ୍ରତ୍ୟେକ ଜୀବକୁ ଭଗବାନ ସୃଷ୍ଟି କରିଛନ୍ତି । ସେମାନଙ୍କୁ ଧରାପୃଷ୍ଠରେ ମଣିଷଙ୍କ ଭଳି ବଞ୍ଚିବାର ଅଧିକାର ରହିଛି । ସେଥିପାଇଁ କୁକୁର ପାଳିବା କିମ୍ବା ସେମାନଙ୍କୁ ସ୍ନେହ କରିବାରେ କୌଣସି ଅସୁବିଧା ନାହିଁ ।
ଶାସ୍ତ୍ରରେ କୁକୁରକୁ ଦ୍ୱାରପାଳ କୁହାଯାଏ । ଯାହାଙ୍କ ସ୍ଥାନ ଘର ବାହାରେ । ଆଜି କାଲି କୁକୁର ପାଳିବା ଟ୍ରେଣ୍ଡ ହେଲେ ମଧ୍ୟ ସେମାନଙ୍କୁ ଘରେ ପୁରାଇବା କଥା ନୁହେଁ । ଘର ବାହାରେ ସେମାନଙ୍କ ପାଇଁ ଉପଯୁକ୍ତ ବ୍ୟବସ୍ଥା କରି ରଖିବା ଆବଶ୍ୟକ । ପ୍ରତ୍ୟେକ କ୍ଷେତ୍ରରେ ତା’ ଯତ୍ନ ନିଅନ୍ତୁ । କିନ୍ତୁ କୁକୁରକୁ ଶୋଇବା ଘରେ ପୁରାନ୍ତୁ ନାହିଁ । କାରଣ କୁକୁର ପାଇଁ ବିଭିନ୍ନ ପ୍ରକାର ରୋଗ ହେବାର ଆଶଙ୍କା ରହିଥାଏ । ଏହାଛଡ଼ା ଆପଣଙ୍କ କାର୍ଯ୍ୟରେ ଦେବା ଦେବୀ ରୋଶ ହେବେ ଯାହାର ସଙ୍କଟଜନକ ପ୍ରଭାବ ଆପଣଙ୍କ ଉପରେ ପଡ଼ିବ ।
Powered by Froala Editor
