ଆମ ଆଦମୀ ପାର୍ଟିକୁ ପ୍ରଶଂସା କରି ସିଦ୍ଧୁଙ୍କ ଟ୍ୱିଟ
ନୂଆଦିଲ୍ଲୀ: ନିଜର କଥାଶୈଳୀ ପାଇଁ ପରିଚିତ ନବଜୋତ ସିଂ ସିଦ୍ଧୁ ପୁଣି ଚର୍ଚ୍ଚାର ପରିସର ଭିତରକୁ ଆସିଛନ୍ତି । ଯେଉଁଥି ପାଇଁ ପଞ୍ଜାବ ରାଜନୀତିରେ ଟ୍ୱିଷ୍ଟ ଆସିଛି । ଆମ ଆଦମୀ ପାର୍ଟି ବା ଆପକୁ ପ୍ରଶଂସା କରି ସିଦ୍ଧୁ ଟ୍ୱିଟ କରିଛନ୍ତି ।
ଉକ୍ତ ଟ୍ୱିଟରେ ସିଦ୍ଧୁ ଉଲ୍ଲେଖ କରିଛନ୍ତି ଯେ, ମୋ ଆଭିମୁଖ୍ୟ ଓ କାର୍ଯ୍ୟ କରିବା ଶୈଳୀକୁ ଆମ ଆଦମୀ ପାର୍ଟି ସ୍ୱୀକୃତି ଦେଉଛି । ମୁଁ ଉଠାଇ ଆସୁଥିବା ପ୍ରସଙ୍ଗକୁ ଆମ ଆଦମୀ ପାର୍ଟି ସମର୍ଥନ କରି ଆସୁଛି । ଆମ ଆଦମୀ ପାର୍ଟି ସଠିକ ଭାବେ ଡ୍ରଗ୍ସ, କୃଷି, ଦୁର୍ନୀତି ଓ ଶକ୍ତି ସଂକଟ କଥା ଉଠାଉଛି ବୋଲି ସିଦ୍ଧୁ ଟ୍ୱିଟରରେ ଉଲ୍ଲେଖ କରିଛନ୍ତି ।
କେବଳ ସେତିକି ନୁହେଁ କିଏ ପଞ୍ଜାବ ପାଇଁ ଲଢେଇ କରୁଛି ତାହା ସମସ୍ତେ ଜାଣିଛନ୍ତି ବୋଲି ନବଜୋତ ସିଂ ସିଦ୍ଧୁ କହିଛନ୍ତି ।
ତେବେ ପଞ୍ଜାବରେ ଅମରିନ୍ଦର ଓ ସିଦ୍ଧୁଙ୍କ ମତଭେଦକୁ ନେଇ କଂଗ୍ରେସ ଏବେ ବ୍ୟାକଫୁଟରେ ରହିଥିବା ରାଜନୈତିକ ମହଲରେ ଚର୍ଚ୍ଚା ହେଉଛି ।
Powered by Froala Editor
