ନୂଆଦିଲ୍ଲୀ: ପୂର୍ବୋତ୍ତର ରାଜ୍ୟର ୮ ମୁଖ୍ୟମନ୍ତ୍ରୀଙ୍କ ସହ କରୋନା ମୁକାବିଲା ନେଇ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି ଯେ, କରୋନାର ତୃତୀୟ ଲହରକୁ ରୋକିବା ଆମ ଦାୟିତ୍ୱ, ଏବଂ ଆମକୁ କରୋନା ଭାଇରସ୍ ସବୁ ପ୍ରକାର ଭ୍ୟାରିଆଣ୍ଟ ଉପରେ ନଜର ରଖିବାକୁ ହେବ । ଭୂତାଣୁର ମ୍ୟୁଟେସନ୍ ପରେ ଏହା କେତେ ପ୍ରଭାବି ଏ ନେଇ ବିଶେଷଜ୍ଞ ଲଗାତାର ଅଧ୍ୟୟନ ଜାରି ରଖିଛନ୍ତି । ଏଭଳି ସମୟରେ ସତର୍କତା ଆବଶ୍ୟକ ହୋଇପଡ଼ିଛି ।
ସେ ଆହୁରି କହିଛନ୍ତି ପର୍ୟ୍ୟଟନ ଓ ବ୍ୟବସାୟ କ୍ଷେତ୍ର ବିଶେଷ ଭାବେ କ୍ଷତିଗ୍ରସ୍ତ ହୋଇଛି । ଏଥିସହିତ ହିଲ୍‌ ଷ୍ଟେସନ୍‌ ଗୁଡ଼ିକରେ ବହୁ ସଂଖ୍ୟାରେ ଲୋକେ ବିନା ମାସ୍କ ପିନ୍ଧି ବୁଲିବାକୁ ନେଇ ପ୍ରଧାନମନ୍ତ୍ରୀ ଚିନ୍ତା ପ୍ରକାଶ କରିଛନ୍ତି । କେନ୍ଦ୍ର ସରକାରଙ୍କ ପକ୍ଷରୁ ଆରମ୍ଭ କରାଯାଇଥିବା ‘ସମସ୍ତଙ୍କୁ ଟିକା-ମାଗଣା ଟିକା ଅଭିଯାନ’କୁ ନର୍ଥ ଇଷ୍ଟ  ରାଜ୍ୟଗୁଡ଼ିକରେ ଏହି ପ୍ରକ୍ରିୟା ଜୋରଦାର କରିବାକୁ କହିଛନ୍ତି ।
ପର୍ବୋତ୍ତର ରାଜ୍ୟଗୁଡ଼ିକର କରୋନା ସ୍ଥିତି ସମୀକ୍ଷା କରି ପ୍ରଧାନମନ୍ତ୍ରୀ କହିଛନ୍ତି ଯେ, ଆମକୁ ଟେଷ୍ଟିଂ ଏବଂ ଟ୍ରିଟମେଣ୍ଟ ସହ ଜଡ଼ିତ ଭିତ୍ତିଭୂମିକୁ ସୁଧାର ଆଣିବାକୁ ପଡ଼ିବ । ଏ ନେଇ ନିକଟରେ କ୍ୟାବିନେଟ୍ ମଧ୍ୟ ୨୩ ହଜାର କୋଟି ଟଙ୍କାର ପ୍ୟାକେଜକୁ ମଧ୍ୟ ମଞ୍ଜୁର କରିଛନ୍ତି । ସମସ୍ତ ରାଜ୍ୟ ଏହି ପ୍ୟାକେଜ ଦ୍ୱାରା ନିଜ ହେଲ୍ଥ ସେକ୍ଟରକୁ ଡେଭଲପ୍ କରିବାକୁ ପଡ଼ିବ । ଏଥିସହିତ ଶିଶୁ ସୁରକ୍ଷା ସହିତ ଜଡ଼ିତ ଭିତ୍ତିଭୂମିକୁ ମଧ୍ୟ ସୁଦୃଢ଼ କରିବାକୁ କହିଛନ୍ତି ।

Powered by Froala Editor