ପୁଲିସ ଇନ୍ସିପେକ୍ଟରଙ୍କୁ ପିଟିପିଟି ହତ୍ୟା
କୋଲାକାତା: ପଶ୍ଚିମବଙ୍ଗର ଉତ୍ତର ଦିନାଜପୁରରେ ବିହାରର ଜଣେ ପୁଲିସ ଇନ୍ସିପେକ୍ଟରଙ୍କୁ ପିଟିପିଟି ହତ୍ୟା କରାଯାଇଛି । ଏକ ବାଇକ ଚୋରି ମାମଲାର ତଦନ୍ତ ପାଇଁ ବିହାର କିଶାନଗଞ୍ଜ ଥାନା ଭାରପ୍ରାପ୍ତ ଅଧିକାରୀ ଅଶ୍ୱିନୀ କୁମାର ଉତ୍ତର ଦିନାଜପୁର ଅଞ୍ଚଳର ଗୋଲପୋଖର ଅଧୀନସ୍ଥ ଏକ ଗ୍ରାମକୁ ଆସିଥିଲେ । ଦୋଷୀକୁ ଧରିବା ପାଇଁ ପୁଲିସ ଚଢ଼ଉ ଆରମ୍ଭ କରିଥିବା ବେଳେ ତାଙ୍କ ଉପରେ ଆକ୍ରମଣ ହୋଇଥିଲା । କିଛି ଲୋକ ତାଙ୍କୁ ପ୍ରଥମେ ପଥର ମାଡ କରିଥିଲେ । ଏହା ପରେ ତାଙ୍କୁ ପିଟି ପିଟି ହତ୍ୟା କରାଯାଇଥିଲା । ଆଇଜି ପୁନିଆ ରାଙ୍ଗେ କହିଛନ୍ତି, ଇସଲାମପୁର ଏସପି ଆମ ସହ ସମ୍ପର୍କରେ ଅଛନ୍ତି ଏବଂ ଆମେ ଚଢ଼ଉ କରି ଦୋଷୀଙ୍କୁ ଗିରଫ କରିବୁ । ଅନ୍ୟ ପକ୍ଷେ ବିହାର ପୁଲିସ ଅଫିସରଙ୍କ ହତ୍ୟା ମାମଲାରେ କେବଳ ଜଣେ ଅଟକ ରହିଛନ୍ତି । ବିହାର ପୁଲିସ ବିଭାଗ ପକ୍ଷରୁ ଏକ ବିବୃତି ଜାରି କରି କୁହାଯାଇଛି, ଅଶ୍ୱିନୀ କୁମାର ସ୍ଥାନୀୟ ପୁଲିସ ଅଫିସରଙ୍କ ସହଯୋଗ ଚାହିଥିଲେ । ସେମାନେ ଅଶ୍ୱିନୀଙ୍କ ସହ ଏକ ଟିମ୍ ପଠାଇବେ ବୋଲି ପ୍ରତିଶ୍ରୁତି ଦେଇଥିଲେ, କିନ୍ତୁ ଏଥିରେ ସେମାନେ ବିଫଳ ହୋଇଥିବା କୁହାଯାଇଛି ।
