ସୁନୀଲ ସେଟ୍ଟୀଙ୍କ ବିଲ୍ଡିଂ ସିଲ୍, ଜାଣନ୍ତୁ କାହିଁକି...
ମୁମ୍ବାଇ: କ୍ରମାଗତ ଭାବେ କରୋନା ସଂକ୍ରମଣ ବୃଦ୍ଧି ପାଇବା ପରେ ମୁମ୍ବାଇର ଆଲ୍ଟାମାଉଣ୍ଟ ରୋଡ୍ରେ ଥିବା ପୃଥ୍ୱୀ ଆପାର୍ଟମେଣ୍ଟକୁ ସିଲ୍ କରାଯାଇଛି । ଏଥିରେ ବଲିଉଡ୍ ଅଭିନେତା ସୁନୀଲ୍ ସେଟ୍ଟୀଙ୍କ ଘର ରହିଛି । ସେଠାରେ ସୁନୀଲଙ୍କ ପରିବାର ଲୋକେ ଦୀର୍ଘ ଦିନ ହେବ ରହି ଆସୁଛନ୍ତି । ତେବେ ଖୁସି ଖବର ବର୍ତ୍ତମାନ ସୁନୀଲଙ୍କ ପରିବାର ଲୋକେ ଏବେ ଉକ୍ତ ଆପାର୍ଟମେଣ୍ଟରେ ନାହାନ୍ତି । ସେମାନେ ମୁମ୍ବାଇ ବାହାରେ ଅଛନ୍ତି । ଏହି ଖବର ପାଇବା ପରେ ସୁନୀଲଙ୍କ ପ୍ରଶଂସକମାନେ ଆଶ୍ୱସ୍ତି ହୋଇଛନ୍ତି ।
ନିୟମ ଅନୁଯାୟୀ, ଯଦି କୌଣସି ବିଲ୍ଡିଂରେ ପାଞ୍ଚଟି କରୋନା ମାମଲା ଥାଏ, ତେବେ ଏହାକୁ ସିଲ୍ କରିବା ଆବଶ୍ୟକ । ବର୍ତ୍ତମାନ ମୁମ୍ବାଇର ଡି ୱାର୍ଡରେ କରୋନାର ୧୦ଟି ସ୍ଥାନକୁ ସିଲ୍ କରାଯାଇଛି । ଏହି ବିଲଡିଂରେ ୩୦ ମହଲା ଏବଂ ୧୨୦ଟି ଫ୍ଲାଟ ଅଛି । ଏଥିରେ ମାଲାବାର ପାହାଡ ଏବଂ ପେଡର୍ ରୋଡ୍ ମଧ୍ୟ ଅନ୍ତର୍ଭୁକ୍ତ । ସୁନୀଲଙ୍କ ପରିବାରକୁ ଛାଡ଼ି ଆହୁରି ୨୫ ପରିବାର ଏଠାରେ ରୁହନ୍ତି । ମୁମ୍ବାଇର ଡି ୱାର୍ଡ ଆସିଷ୍ଟାଣ୍ଟ କମିଶନର ପ୍ରଶାନ୍ତ ଗାଏକ୍ୱାଡ ଏନେଇ ସୂଚନା ଦେଇଛନ୍ତି ।
Powered by Froala Editor
