ଓଡ଼ିଶାରୁ ଛତିଶଗଡ଼ ବସ ଚଳାଚଳ ବନ୍ଦ
ଭୁବନେଶ୍ୱର: ଛତିଶଗଡ଼ରେ ଦ୍ରୁତ କୋଭିଡ ସଂକ୍ରମଣ ବ୍ୟାପୁଥିବା ଯୋଗୁଁ ଓଡ଼ିଶାରୁ ଛତିଶଗଡ଼ ଆନ୍ତଃରାଜ୍ୟ ବସ ଚଳାଚଳ ବନ୍ଦ ରଖିବାକୁ ସରକାର ନିଷ୍ପତ୍ତି ନେଇଛନ୍ତି । ଏ ସମ୍ପର୍କରେ ଗଣମାଧ୍ୟମକୁ ସୂଚନା ଦେଇ ବାଣିଜ୍ୟ ଓ ପରିବହନ ମନ୍ତ୍ରୀ ପଦ୍ମନାଭ ବେହେରା କହିଛନ୍ତି ଛତିଶଗଡ଼କୁ ବସ ସେବା ବନ୍ଦ କରିବା ପାଇଁ ମୁଖ୍ୟ ଶାସନ ସଚିବ ନିଦେ୍ର୍ଧଶ ଦେଇଛନ୍ତି । ଏ ନେଇ ସ୍ୱତନ୍ତ୍ର ରିଲିଫ କମିସନରଙ୍କ କାର୍ଯ୍ୟାଳୟରୁ ନିଦେ୍ର୍ଧଶାନାମା ଜାରି କରାଯାଇଛି । ବାକି ରାଜ୍ୟ ସରକାର ବସ ସେବା ଚାଲୁ ରହିବ କି ନାହିଁ ତା ଉପରେ ତର୍ଜମା କରି ନିଷ୍ପତ୍ତି ନିଆଯିବ । ବିଭାଗ ପକ୍ଷରୁ ଏ ନେଇ ଖୁବଶୀଘ୍ର ଏସଓପି ଜାରି କରାଯିବ । ସୀମାବର୍ତ୍ତୀ ଚେକ ପଏଣ୍ଟ ଗୁଡ଼ିକରେ ଆରଟିଓମାନେ ଚେକିଂ କରିବେ । କୋଭିଡ ପ୍ରତିହତ ପାଇଁ ଯାହାସବୁ ନିଦେ୍ର୍ଧଶାବଳୀ ରହିଛି ତାକୁ କଡ଼ାକଡ଼ି ଅନୁପାଳନ କରାଯିବ । ରାଜ୍ୟରେ ବଢ଼ୁଥିବା କରୋନା ସଂକ୍ରମଣ ଦୃଷ୍ଟିରୁ ବସରେ ଯାତ୍ରା କରୁଥିବା ସାଧାରଣ ଯାତ୍ରୀଙ୍କ ସୁରକ୍ଷା ପାଇଁ କିଭଳି କଟକଣା କରାଯିବ ସେ ନେଇ ମଧ୍ୟ ଆଲୋଚନା ଜାରି ଅଛି ।
