ଭାରତର 'ଅପରେସନ ସିନ୍ଦୁର'ରେ ହୋଇଥିବା ଷ୍ଟ୍ରାଇକରେ ସଫା ହୋଇଯାଇଛନ୍ତି ପାକିସ୍ତାନୀ ଆତଙ୍କବାଦୀ । ଆକ୍ରମଣରେ ନିହତ ହୋଇଥିବା ଆତଙ୍କବାଦୀଙ୍କୁ କବର ଦେବା ସମୟରେ ଏକ ଅଜବ ଦୃଶ୍ୟ ଦେଖିବାକୁ ମିଳିଛି। ବିଶେଷ କରି ପାକିସ୍ତାନୀ ସେନାର ଯବାନମାନେ ଆତଙ୍କବାଦୀଙ୍କ ମୃତଦେହକୁ କବର ଦେବାକୁ ନେଇଥିବାବେଳେ ପାକିସ୍ତାନୀ ସେନାର ବରିଷ୍ଠ ଅଧିକାରୀମାନେ ଶେଷ ବିଦାୟ ଜଣାଇଥିଲେ ।

ପହଲଗାମ୍ ଆତଙ୍କୀ ଆକ୍ରମଣ ହେଉ କିମ୍ୱା ପୂର୍ବରୁ ହୋଇଥିବା ଅନେକ ଆତଙ୍କୀ ହମଲା ପଛରେ ପାକିସ୍ତାନର ହାତ ଅଛି ବୋଲି ଦାବି ହୁଏ। କିନ୍ତୁ ପାକିସ୍ତାନ ଏହାକୁ ସିଧାସଳଖ ମନା କରିଦିଏ। କିନ୍ତୁ ଅପରେସନ ସିନ୍ଦୂରରେ ପ୍ରାଣ ହରାଇ ଥିବା ଆତଙ୍କବାଦୀଙ୍କ ଅନ୍ତିମ ଶୋଭାଯାତ୍ରାରେ ପାକ୍ ସେନାଅଧିକାରୀ ଯୋଗ ଦେବା ପରେ ଏହା ପ୍ରମାଣତି କରୁଛି କି, ପାକିସ୍ତାନ କିପରି ଆତଙ୍କବାଦୀଙ୍କୁ ସୁରକ୍ଷା ଦିଏ।

କେବଳ ସେତିକି ନୁହେଁ ଆତଙ୍କବାଦୀଙ୍କ ମୃତଦେହକୁ ମଧ୍ୟ କାନ୍ଧ ଦେଇଛନ୍ତି ପାକ୍ ସେନା ଅଧିକାରୀ। ମୃତ ଆତଙ୍କବାଦୀଙ୍କ ଅନ୍ତିମ ସଂସ୍କାର ପାଇଁ ଏହି ଶୋଭାଯାତ୍ରା ବାହାର କରାଯାଇଛି।

ମୋଟାମୋଟି କହିବାକୁ ଗଲେ ପାକିସ୍ତାନୀ ସେନା ଓ ସରକାରଙ୍କ ନଜରରେ ଭାରତ ବିରୋଧରେ ଲଢେଇ କରୁଥିବା ଆତଙ୍କବାଦୀମାନେ ହେଉଛନ୍ତି ଜଣେ ଜଣେ ବୀର ।ଯେଉଁମାନେ ନିରୀହଙ୍କୁ ହତ୍ୟା କରିବା ଓ କାପୁରୁଷ ଭଳି ଲୁଚି ଛପି ଭାରତ ସୀମାରେ ପଶିବା ଭଳି କାମ କରନ୍ତି ।

Powered by Froala Editor