ପତ୍ନୀଙ୍କ ତଣ୍ଟି ଚିପି ହତ୍ୟା ପରେ ପୁଲିସକୁ ଫୋନ୍ କରି କହିଲେ ଗିରଫ କର
ନୂଆଦିଲ୍ଲୀ : ଉତ୍ତର ପ୍ରଦେଶର ହାପୁରରୁ ଆଶ୍ଚର୍ଯ୍ୟଚକିତ କରିବା ଭଳି ଏକ ଘଟଣା ସାମ୍ନାକୁ ଆସିଛି । ଏଠାରେ ଜଣେ ବ୍ୟକ୍ତି ନିଜ ସ୍ତ୍ରୀକୁ ହତ୍ୟା କରିବା ପରେ ପୁଲିସକୁ ଫୋନ୍ କରି କହିଛନ୍ତି, ହାଲୋ ସାର୍, ମୁଁ ମୋ ସ୍ତ୍ରୀକୁ ହତ୍ୟା କରିଛି, ମୋତେ ଆସି ଗିରଫ କର । ଖବର ପାଇବା ମାତ୍ରେ ପୁଲିସ ଟିମ୍ ଘଟଣାସ୍ଥଳରେ ପହଞ୍ଚି ବ୍ୟକ୍ତିଙ୍କୁ ଗିରଫ କରିବା ସହ ତାଙ୍କ ସ୍ତ୍ରୀଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛନ୍ତି ।
ମିଳିଥିବା ସୂଚନାନୁଯାୟୀ, ହାପୁରର ମୋହଲ୍ଲା ରଫିକ ନଗରରେ ରହୁଥିବା ରାଶିଦ୍ ଅଲୀ ୧୧ ବର୍ଷ ପୂର୍ବରୁ ବିବାହ କରିଥିଲେ । ଦମ୍ପତିଙ୍କର ୩ ଶିଶୁ ମଧ୍ୟ ଅଛନ୍ତି । ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଅନେକ ସମୟରେ କଳହ ଲାଗି ରହୁଥିଲା । ରାଶିଦ୍ଙ୍କ ସ୍ତ୍ରୀ ନିଜ ଘରକୁ ଯିବାକୁ ଚାହୁଁଥିଲେ, ମାତ୍ର ରାଶିଦ୍ ସେଥିରେ ଅରାଜି ହେଉଥିଲେ ।
ଗୁରୁବାର ବିଳମ୍ବିତ ରାତିରେ ଉଭୟଙ୍କ ମଧ୍ୟରେ ଖୁବ୍ ଜୋର୍ରେ କଳହ ହୋଇଥିଲା । ସେହି ସମୟରେ ସେ ନିଜ ପତ୍ନୀଙ୍କ ତଣ୍ଟି ଚିପି ହତ୍ୟା କରିବା ପରେ ପୁଲିସକୁ ଫୋନ୍ କରି ଘଟଣା ବିଷୟରେ ଜଣାଇଥିଲେ । ଘଟଣାର ତଦନ୍ତ ଜାରି ରହିଛି ।
Powered by Froala Editor
