ଏବେ ସୀମା ହାଇଦର ଏବଂ ସଚିନ ମୀନାଙ୍କ ଘରେ ହସ ଫୁଟିଛି। ଦୁହେଁ ଶିଶୁ କନ୍ୟାଙ୍କ ମା’ବାପା ହୋଇସାରିଛନ୍ତି। ଯିଏକି ସଚୀନଙ୍କର ପ୍ରଥମ ସନ୍ତାନ ହୋଇଥିବା ବେଳେ ସୀମାଙ୍କର ପଞ୍ଚମ ସନ୍ତାନ। ଏହା ପୂର୍ବରୁ ସୀମା ହାଇଦରଙ୍କ ପ୍ରଥମ ସ୍ବାମୀଙ୍କଠାରୁ ଚାରିଟି ସନ୍ତାନ ଅଛନ୍ତି। ସୀମା ସୋମବାର ଗ୍ରେଟର ନୋଏଡାର କୃଷ୍ଣା ହସ୍ପିଟାଲରେ ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି।

ସେ ମଙ୍ଗଳବାର ଭୋର ୪ଟାରେ ଏକ ସୁସ୍ଥ ଶିଶୁକନ୍ୟା ଜନ୍ମ ଦେଇଥିଲେ। ପରିବାର ପକ୍ଷରୁ କୁହାଯାଇଛି ଯେ ମାଆ ଏବଂ ପିଲା ଉଭୟ ସୁସ୍ଥ ଅଛନ୍ତି ଏବଂ ଖୁବ୍ ଶୀଘ୍ର ସେମାନଙ୍କୁ ହସ୍ପିଟାଲରୁ ଡିସଚାର୍ଜ କରାଯିବ। ସେ ତାଙ୍କ ଝିଅର ଜନ୍ମରେ ବହୁତ ଖୁସି।

ସୀମା ହାଇଦର ଯିଏ ୨୦୨୩ ମସିହାରେ ନୋଏଡାର ସଚିନଙ୍କ ପ୍ରେମରେ ପଡି ସୁଦୂର ପାକିସ୍ତାନରୁ ଭାରତକୁ ଚାଲିଆସିଥିଲେ। ସେ ଏକା ନୁହଁନ୍ତି ସାଙ୍ଗରେ ତାଙ୍କ ପିଲାଙ୍କୁ ମଧ୍ୟ ଆଣିଥିଲେ। ଆଉ ସଚୀନ ମଧ୍ୟ ସେ ପିଲାଙ୍କୁ ଆପଣାଇ ନେଇଥିଲେ। ସୀମା ହାଇଦର ୨୦୨୩ରେ ନେପାଳରେ ହିନ୍ଦୁ ରୀତିନୀତି ଅନୁସାରେ ସଚିନ ମୀନାଙ୍କୁ ବିବାହ କରିଥିଲେ। ଏବେ ଦୁହିଁଙ୍କର ଗୋଟିଏ ଝିଅ ଅଛି।

ସୀମା ହାଇଦର ଭାରତରେ ଏକ ଝିଅକୁ ଜନ୍ମ ଦେବା ପରେ, ଏହି ପ୍ରଶ୍ନ ଏବେ ଅନେକ ଲୋକଙ୍କ ମନରେ ଆସୁଛି ଯେ ତାଙ୍କ ଝିଅ ଭାରତୀୟ ନାଗରିକତା ପାଇବ କି?  ଯଦି ଆମେ ଏହି ସମ୍ବନ୍ଧୀୟ ଆଇନ ବିଷୟରେ କଥା ହେବା, ତେବେ ଭାରତୀୟ ନାଗରିକତା ଆଇନ, ୧୯୫୫ ଅନୁଯାୟୀ, ଭାରତରେ ଜନ୍ମିତ ଯେକୌଣସି ଶିଶୁ ଭାରତୀୟ ନାଗରିକତା ପାଏ। ଯେତେବେଳେ ତାଙ୍କ ପିତାମାତାଙ୍କ ମଧ୍ୟରୁ ଜଣେ ଭାରତୀୟ ନାଗରିକ ହୁଅନ୍ତି ଏବଂ ଅନ୍ୟ ଜଣେ ଅବୈଧ ପ୍ରବାସୀ ନୁହଁନ୍ତି। ସୀମା ହାଇଦର ବେଆଇନ ଭାବରେ ଭାରତରେ ପ୍ରବେଶ କରିଥିଲେ। ଏପରି ପରିସ୍ଥିତିରେ, ତାଙ୍କ ଝିଅକୁ ଭାରତୀୟ ନାଗରିକତା ପାଇବାରେ ନିଶ୍ଚିତ ଭାବରେ ଅସୁବିଧାର ସମ୍ମୁଖୀନ ହେବାକୁ ପଡ଼ିପାରେ। 

Powered by Froala Editor